ନୂଆଦିଲ୍ଲୀ: ଭାରତୀୟ ଅଲମ୍ପିକ ଆସୋସିଏସନ(IOA)ର ସଭାପତି ନରିନ୍ଦର ବାତ୍ରାଙ୍କ ବଡ ବୟାନ । ଅଲମ୍ପିକ୍ସରେ ନିଶ୍ଚିନ୍ତ ଖେଳିବାକୁ ଥିବା ଆଥଲେଟ୍ସଙ୍କୁ ପ୍ରାଥମିକତା ଆଧାରରେ କୋରୋନା ଟିକା ଦେବାକୁ ବିଚାର କରାଯାଉଛି । ତେବେ ଏଥିପାଇଁ ଖୁବଶୀଘ୍ର ସୁଚିନ୍ତିତ ଓ ସୁରକ୍ଷିତ ଯୋଜନା କରାଯାଇ କାର୍ଯ୍ୟ ଆରମ୍ଭ ହେବ । ଏହା କହିଛନ୍ତି ଆଇଓଏ ସଭାପତି ବାତ୍ରା ।
ଆଥଲେଟ୍ସଙ୍କୁ କୋରାନା ସଞ୍ଜିବନୀ ଦେବା ନେଇ ସ୍ବାସ୍ଥ୍ୟ ବିଭାଗ, ଖେଳ ମନ୍ତ୍ରଣାଳୟ ଓ NADA ଭଳି ସଂପୃକ୍ତ ବିଭାଗ ଗୁଡିକ ମଧ୍ୟରେ ଆଲୋଚନା ଜାରି ରହିଛି । ଆଲୋଚନା ସକରାତ୍ମକ ରହିଛି ଓ ଖୁବଶୀଘ୍ର ସଠିକ ଯୋଜନା ପ୍ରସ୍ତୁତ ହେବା ବୋଲି କହିଛନ୍ତି ବାତ୍ରା । ପୂର୍ବରୁ କେନ୍ଦ୍ର କ୍ରୀଡାମନ୍ତ୍ରୀ କିରଣ ରିଜିଜୁ ମଧ୍ୟ ନିଶ୍ଚିନ୍ତ ଅଲମ୍ପିକ୍ସ ଖେଳିବାକୁ ଯାଉଥିବା ଖେଳାଳିଙ୍କୁ ଟିକା ଦେବାରେ ପ୍ରାଥମିକତା ଦିଆଯିବ ବୋଲି କହିଥିଲେ ।
