ଟୋକିଓ: ଆଜି(ସୋମବାର) ପାରାଲିମ୍ପିକ୍ସରେ ସୁଟିଂରେ ମହିଳା ୧୦ମିଟର ଏଆର ଷ୍ଟାଣ୍ଡିଂ ଏସଏଚ ୧ ଯୋଗ୍ୟତା ରାଉଣ୍ଡ ଥିଲା । ଭାରତରୁ ଅବନୀ ଲେଖାରା ପ୍ରତିନ୍ଦ୍ବନ୍ଦୀତ୍ବ କରିଥିଲେ । ୧୦ମିଟର ଏଆର ଷ୍ଟାଣ୍ଡିଂ ଏସଏଚ ୧ ଫାଇନାଲକୁ ଉତ୍ତୀର୍ଣ୍ଣ ହୋଇଛନ୍ତି ଅବନୀ ।
ସମୁଦାୟ ୬୨୧.୭ ସ୍କୋର କରି ସୁଟର ଅବନୀ ସପ୍ତମ ସ୍ଥାନରେ ରହି କ୍ବାଲିଫିକେସନ ରାଉଣ୍ଡ ଶେଷ କରିଛନ୍ତି । ସେ ତୃତୀୟ ଏବଂ ଚତୁର୍ଥ ରାଉଣ୍ଡରେ ଯଥାକ୍ରମେ ୧୦୪.୯,୧୦୪.୮ର ଭଲ ସ୍କୋର କରିଛନ୍ତି । ଫାଇନାଲକୁ ଯିବା ପାଇଁ ଅବନୀ ଏକ ଭଲ ଆରମ୍ଭ କରିଥିଲେ । ଭାରତୀୟ ସୁଟର ବର୍ତ୍ତମାନ ଶୋପିସ୍ ଇଭେଣ୍ଟର ଫାଇନାଲରେ ଲକ୍ କରିବେ |
ପ୍ରକାଶ ଥାଉ କି, ରବିବାର ଭାରତର ତିନି ପାରାଖେଳାଳି ପଦକ ହାସଲ କରିଛନ୍ତି । ପାରା ଟେବୁଲ୍ ଟେନିସ୍ ଖେଳାଳି ଭବିନା ରୌପ୍ୟ ପଦକ ଜିତିଛନ୍ତି । ଏହା ସହିତ ପୁରୁଷ ହାଇଜମ୍ପର ନିଷାଦ କୁମାର ରୌପ୍ୟ ଓ ବିନୋଦ କୁମାର ଡିସକସ ଥ୍ରୋରେ ବ୍ରୋଞ୍ଚ ପଦକ ହାସଲ କରି ଇତିହାସ ସୃଷ୍ଟି କରିଛନ୍ତି ।
@ANI
