ନୂଆଦିଲ୍ଲୀ: ଭାରତ ପାଇଁ ଟୋକିଓ ଅଲମ୍ପିକ୍ସ ସ୍ମରଣୀୟ ହେବ । ଏକ ଜାତୀୟ ୱେବିନାରରେ ଯୋଗ ଦେଇ ଏହା କହିଛନ୍ତି ଭାରତୀୟ ବ୍ୟାଡମିଣ୍ଟନ ଦଳର କୋଚ ପୁଲଲୋ ଗୋପିଚାନ୍ଦ । ଜାତୀୟ ସ୍ପୋର୍ଟସ ବିଶ୍ବବିଦ୍ୟାଳୟ ପକ୍ଷରୁ ଏକ ୱେବିନାରର ଆୟୋଜନ କରାଯାଇଥିଲା । ଏଥିରେ ଟୋକିଓ ଅଲମ୍ପିକ୍ସରେ ଭାରତୀୟ କ୍ରୀଡ଼ାବିତଙ୍କ ଯାତ୍ରାକୁ ନେଇ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା ।
ୱେବିନାରରେ ପୁଲେଲା ଗୋପିଚାନ୍ଦ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି ଅବସରର ସେ ଟୋକିଓ ଅଲମ୍ପିକ୍ସରେ ଯୋଗ ଦେବାକୁ ଥିବା ଆଥଲେଟଙ୍କ ସମସ୍ତ ଆବଶ୍ୟକତା ପୂରଣ କରିଥିବାରୁ କ୍ରୀଡ଼ାମନ୍ତ୍ରୀ କିରଣ ରିଜିଜୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେଇଛନ୍ତି ଗୋପିଚାନ୍ଦ ।
ଟୋକିଓ ଅଲମ୍ପିକ୍ସରେ ଭାରତୀୟ ଆଥଲେଟ ଅଧିକ ପଦକ ବଜୟୀ ହେବା ଆଶା କରିଛନ୍ତି ଗୋପିଚାନ୍ଦ । ଖାଲି ସେତିକି ନୁହେଁ ପଦକ ବିଜେତା ଦେଶ ମାନଙ୍କ ମଧ୍ୟରେ ଭାରତ ରହିବ ବୋଲ କହିଛନ୍ତି ଦ୍ରୋଣାଚାର୍ଯ୍ୟ ସମ୍ମାନରେ ସମ୍ମାନିତ ପୁଲେଲା ଗୋପିଚାନ୍ଦ ।
ବ୍ୟୁରୋ ରିପୋର୍ଟ, ଇଟିଭି ଭାରତ
