ଟୋକିଓ: ବିଶ୍ବରେ ଶକ୍ତିଶାଳୀ ପରିଗଣିତ ହେଉଥିବା ଭାରତୀୟ ସୁଟିଂ ଟିମ ଚଳିତ ଟୋକିଓ ଅଲମ୍ପିକ୍ରେ ନିରାଶ କରିଛନ୍ତି । ଶୁକ୍ରବାର ଟୋକିଓ ଅଲମ୍ପିକ୍ର ମହିଳା ୨୫ ମିଟର ପିସ୍ତଲ ଇଭେଣ୍ଟରେ ଫାଇନାଲ ଟିକେଟ ହାତେଇବାରୁ ବଞ୍ଚିତ ହୋଇଛନ୍ତି ସୁଟର ସନୁ ଭାକର ଓ ରାହି ସର୍ନୋବାତ । ଏହାର ଅର୍ଥ ଲଗାତାର ଅଲମ୍ପିକର ଦ୍ବିତୀୟ ସଂସ୍କରଣରେ ଖାଲି ହାତରେ ଘରକୁ ଫେରିବେ ଭାରତୀୟ ପିସ୍ତଲ ସୁଟର ।
ଶୀର୍ଷ ୮ଜଣ ସୁଟର ଫାଇନାଲକୁ ଉନ୍ନୀତ ହେବାକୁ ଥିବାବେଳେ ଉଭୟ ମନୁ ଓ ରାହି ଅଷ୍ଟମ ସ୍ଥାନ ବାହାରେ ରହିଛନ୍ତି । ଭାକର ରାପିଡ ଫାୟର ପର୍ଯ୍ୟାୟରେ ୨୯୦ ପଏଣ୍ଟ ଓ ପ୍ରେସିସନରେ ମଧ୍ୟ ୨୯୦ ପଏଣ୍ଟ ହାସଲ ସହ ଯୋଗ୍ୟତା ଅର୍ଜନ ପାଇଁ ମୋଟ ୫୮୨ ରହିଥିଲା । ସେହିପରି ଅଧିକ ଅଭିଜ୍ଞ ରାହି ୫୭୩(287+286) ପଏଣ୍ଟ ହାସଲ କରିପାରିଥିଲେ ।
ପ୍ରଥମ ପର୍ଯ୍ୟାୟରେ ଭର ପ୍ରଦର୍ଶନ ସହ ୧୯ ବର୍ଷୀୟା ମନୁ ପଞ୍ଚମ ସ୍ଥାନରେ ରହିଥିଲେ । ଭଲ ଆରମ୍ଭ ସତ୍ତ୍ବେ ସ୍ଥିର ପ୍ରଦର୍ଶନର କମି ଯୋଗୁଁ ମାନ୍ୟତା ସ୍ଥାନ ତଳକୁ ଖସିଥିଲା ।
ଶୁକ୍ରବାର ଶେଷ ଇଭେଣ୍ଟରେ ପଞ୍ଚମ ସ୍ଥାନରୁ ଖସି ସେ ଶୀର୍ଷ ୮ ସ୍ଥାନ ମଧ୍ୟରେ ରହିପାରିନଥିଲେ । ସମସ୍ତ ପ୍ରୟାସ କରିଥିଲେ ମଧ୍ୟ ପୁନଃ ପ୍ରବେଶ କରିପାରିନଥିଲେ । ଶୀର୍ଷ ୮ଜଣ ସୁଟର ଯୋଗ୍ୟତା ହାସଲ କରି ଫାଇନାଲରେ ପ୍ରବେଶ କରିଛନ୍ତି । ସର୍ନୋବାତ ୨୫ତମ ସ୍ଥାନରେ ରହିଥିଲେ ।
ମନୁ ଭାକର ଏକମାତ୍ର ଭାରତୀୟ ସୁଟର ଭାବେ ଟୋକିଓ ଅଲମ୍ପିକ୍ର ତିନୋଟି ଇଭେଣ୍ଟରେ ପ୍ରବେଶ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
