ଲୌଜନ: ଅନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ଦ୍ବାରା କରାଯାଇଥିବା ଏକ ସର୍ଭେରୁ ଜଣାପଡିଛି ଯେ ବିଶ୍ବର ଅଧିକାଂଶ ଦେଶରେ କୋରୋନାଭାଇରସ ମହାମାରୀର ମୁକାବିଲା ପାଇଁ ବିଭିନ୍ନ ଡିଗ୍ରୀରେ ଲକଡାଉନ୍ ସମୟରେ ଆଥଲେଟଙ୍କ ପାଇଁ ମାନସିକ ସ୍ବାସ୍ଥ୍ୟ ଏବଂ କ୍ରୀଡା ବୃତ୍ତି ପରିଚାଳନା ସବୁଠାରୁ ବଡ ଚ୍ୟାଲେଞ୍ଜ ଅଟେ ।
135ଟି ଦେଶର 4,000ରୁ ଅଧିକ ଆଥଲେଟ ଏବଂ ଉତ୍ସାହୀ ସଦସ୍ୟଙ୍କ ମଧ୍ୟରେ ଏହି ସର୍ଭେ କରାଯାଇଥିଲା। ଅଧିକାଂଶ ଆଥଲେଟ କୋରୋନାଭାଇରସ ବିସ୍ତାରକୁ ରୋକିବା ପାଇଁ ରଖାଯାଇଥିବା ପ୍ରତିବନ୍ଧକମୂଳକ ପଦକ୍ଷେପ ଅଧୀନରେ ସମୟ ଅତିବାହିତ କରିଥିଲେ ।
ଏହା ଦର୍ଶାଇଛି କୋରୋନା ଭାଇରସ ସଂକ୍ରମଣକୁ ରୋକିବା ପାଇଁ କଟକଣା ୟୋଗୁଁ 50% ଆଥଲେଟଙ୍କୁ ଉପଯୁକ୍ତ ତାଲିମ ନେବା ପାଇଁ ସଂଘର୍ଷ କରିବାକୁ ପଡିଛି ।
କ୍ରୀଡା ସୁବିଧା ଏବଂ ସାଧାରଣ ତାଲିମ କାର୍ଯ୍ୟସୂଚୀକୁ ପ୍ରବେଶର ଅଭାବ, ଏବଂ ବ୍ୟାପକ ଆଥଲେଟ ସମ୍ପ୍ରଦାୟରୁ ବିଚ୍ଛିନ୍ନତା କାରଣରୁ ମାନସିକ ସ୍ତରରେ ସୁସ୍ଥ ରହିବା ପାଇଁ ସଂଘର୍ଷ କରିଥିଲେ ଆଥଲେଟ । ସର୍ଭେ କରିଥିବା 63 ପ୍ରତିଶତ ସଦସ୍ୟ ମଧ୍ୟ କହିଛନ୍ତି ଯେ ସେମାନଙ୍କ ଆଥଲେଟଙ୍କୁ ଉତ୍ସାହିତ ରଖିବା କଷ୍ଟକର ହୋଇପଡିଛି।
ଅନେକ ପ୍ରତିବନ୍ଧକ ଯୋଗୁଁ ପ୍ରଶିକ୍ଷଣ ଦେବା ଅତ୍ୟନ୍ତ କଷ୍ଟକର ବୋଲି ଦକ୍ଷିଣ ଆଫ୍ରିକାର ଜଣେ ଆଥଲେଟ କହିଥିବା ଆଇଓସି ପକ୍ଷରୁ କୁହାଯାଇଛି। ‘‘ପ୍ରଶିକ୍ଷଣ ମୋ ଜୀବନକୁ ଆକାର ଦେଇଥାଏ ଏବଂ ମୁଁ ଅନୁଭବ କରେ ଯେ ତାଲିମ ବିନା ମୋର ମାନସିକ ସ୍ବାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପଡି଼ଛି। ମୁଁ ଯାହା ସହ ସଂଘର୍ଷ କରୁଛି ତାହା ପରସ୍ପର ସହ ଯୋଡି ହୋଇଛି। ସେମାନଙ୍କୁ ପୃଥକ ଭାବରେ ଦେଖାଯାଇପାରିବ ନାହିଁ।’’
@IANS
