ଜାତୀୟ ସୁଟିଂ ଚମ୍ପିଆନସିପ: ସ୍ବର୍ଣ୍ଣ ଜିତିଲେ ସୌରଭ

ଭୋପାଳରେ ଖେଳାଯାଉଥିବା 63ତମ ଜାତୀୟ ସୁଟିଂ ଚମ୍ପିଆନସିପରେ 10 ମିଟର ଏୟାର ପିସ୍ତଲ ବର୍ଗରେ ସ୍ବର୍ଣ୍ଣ ପଦକ ଜିତିଛନ୍ତି ଷ୍ଟାର ଭାରତୀୟ ସୁଟର ସୌରଭ ଚୌଧୁରୀ । ଅଧିକ ପଢନ୍ତୁ...

ଭୋପାଳ: ଜାତୀୟ ସୁଟିଂ ଚମ୍ପିଆନସିପରେ ସ୍ବର୍ଣ୍ଣରେ ଚମକିଛନ୍ତି ଷ୍ଟାର ସୁଟର ସୌରଭ ଚୌଧୁରୀ । ଭୋପାଳରେ ଅନୁଷ୍ଠିତ 63ତମ ଜାତୀୟ ସୁଟିଂ ଚମ୍ପିଆନସିପରେ ଏହି ସଫଳ ପ୍ରଦର୍ଶନ କରିଛନ୍ତି ସୌରଭ ।

10 ମିଟର ଏୟାର ପିସ୍ତଲ ଇଭେଣ୍ଟରେ 246.6 ପଏଣ୍ଟ ସ୍କୋର କରିଥିଲେ ଉତ୍ତରପ୍ରଦେଶର ସୌରଭ । 2ୟ ସ୍ଥାନରେ 243.9 ପଏଣ୍ଟ ସହ ହରିୟାଣାର ସରବଜୋତ ସିଂହ ରହିଛନ୍ତି ।

ସୌରଭ ଚୌଧୁରୀ

ସୌରଭ ଚୌଧୁରୀ ଏସିଆନ ଗେମ୍ସରେ ମଧ୍ୟ ସ୍ବର୍ଣ୍ଣ ପଦକ ବିଜେତା ହୋଇଥିଲେ। ବିଶ୍ବ ମାନ୍ୟତାର 2ୟ ସ୍ଥାନରେ ଥିବା ଅଭିଷେକ ବର୍ମା ଫାଇନାଲରେ ବ୍ରୋଞ୍ଜ ପଦକରେ ସନ୍ତୁଷ୍ଟ ହୋଇଛନ୍ତି ।