ଦୋହା: ପୂର୍ବତନ ଭାରତୀୟ ଆଥେଲଟ ତଥା ଅଲମ୍ପିୟାନ ପିଟି ଉଷାଙ୍କୁ ଅନ୍ତର୍ଜାତୀୟ ଆଥଲେଟିକ୍ ସଂଘର ସମ୍ମାନଜନକ ଭେଟରାନ୍ ପିନ୍ ଆୱାର୍ଡରେ ସମ୍ମାନିତ କରାଯାଇଛି । ଦୋହାରେ ଆୟୋଜିତ 52ତମ ଆଇଏଏଏଫ୍ କନଫରେନ୍ସରେ ତାଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି ।
ତେବେ ଏଥିରେ ନିଜର ଖୁସି ବ୍ୟକ୍ତ କରି ଉଷା ଟ୍ବିଟ କରିଛନ୍ତି । ଉଷା ଲେଖିଛନ୍ତି, " ମୋତେ ସମ୍ମାନଜନକ ଭେଟରାନ ପିନ୍ ଆୱର୍ଡ ମିଳିଥିବାରୁ ମୁଁ ଆଇଏଏଏଫ୍ ଓ ସଭାପତି ସେବାଷ୍ଟିଆନ୍ କୋଇଙ୍କୁ ଧନ୍ୟବାଦ ଜଣାଉଛି। ଆମ ଦେଶରେ ଆଥଲେଟକ୍ସର ଅଭିବୃଦ୍ଧି ପାଇଁ ମୁଁ ନିୟମିତ କାର୍ଯ୍ୟ କରି ଚାଲିବି।"
ଉଲ୍ଲେଖଥାଉ କି, 1984ରେ ଲସ୍ ଆଞ୍ଜେଲ ଆୟୋଜିତ ଅଲମ୍ପିକରେ ଉଷା 400 ମିଟର ହର୍ଡଲ୍ସ ଦୌଡ଼ରେ ଭାଗ ନେଇଥିଲେ । ମାତ୍ର 1/100 ସେକେଣ୍ଡ ପାଇଁ ବ୍ରୋଞ୍ଜ ପଦକରୁ ବଞ୍ଚିତ ହୋଇଥିଲେ । 1983ରେ ଅର୍ଜୁନ ଆୱର୍ଡ ଓ 1985ରେ ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଛନ୍ତି ଉଷା ।
