ନୂଆଦିଲ୍ଲୀ: ଟୋକିଓ ଅଲମ୍ପିକରେ ଭାଗ ନେଇଥିବା ପ୍ରତ୍ୟେକ କ୍ରୀଡ଼ାବିତଙ୍କୁ ଭେଟିବେ ରାଷ୍ଟ୍ରପତି ରାମନାଥ କୋବିନ୍ଦ । ଆସନ୍ତା ୧୪ ତାରିଖରେ ରାଷ୍ଟ୍ରପତି ଭବନର ସଂସ୍କୃତି ଭବନରେ ଏକ ଚା’ ପିଆ କାର୍ଯ୍ୟକ୍ରମ ରଖାଯାଇଛି । ଟୋକିଓ ଅଲମ୍ପିକରେ ଭାଗ ନେଇଥିବା ପ୍ରତ୍ୟେକ କ୍ରୀଡ଼ାବିତ୍ ଯୋଗଦେବେ।
ଅଲମ୍ପିକ୍ ଗେମ୍ସ ଇତିହାସରେ ଭାରତ ଚଳିତ ଥର ଜବରଦସ୍ତ ପ୍ରଦର୍ଶନ କରିଛି । ହକି ଦଳ ୪୧ ବର୍ଷ ପରେ ପଦକ ହାସଲ କରି ଫେରିଛି । ପ୍ରଥମ ଭାରତୀୟ ଆଥଲେଟ ଭାବରେ ନୀରଜ ଚୋପ୍ରା ସ୍ବର୍ଣ୍ଣ ପଦକ ହାସଲ କରିଛନ୍ତି । ଏହାସହ ପ୍ରଥମ ଥର ପାଇଁ ଭାରତୀୟ ମହିଳା ହକି ଦଳ ନକଆଉଟ ମ୍ୟାଚରେ ପ୍ରବେଶ କରି ପାରିଥିଲା । ତେବେ ଦଳ ପଦକ ହାସଲ କରିବାରୁ ଅଳ୍ପକେ ବର୍ତ୍ତି ଯାଇଥିଲା । ତା ସାଙ୍ଗକୁ ଭାରତୀୟ ଖେଳାଳି କୁସ୍ତି, ବ୍ୟାଡମିଣ୍ଟନ ଓ ଭାରୋତ୍ତଳ ଇଭେଣ୍ଟରେ ମଧ୍ୟ ପଦକ ହାସଲ କରି ଭାରତର ନାଁ ଟେକ ରଖିଛନ୍ତି ।
ଏହାପରେ କ୍ରୀଡ଼ାବିତଙ୍କୁ ସହ ବହୁ ବିଶେଷ ବ୍ୟକ୍ତିମାନେ ଭେଟିବା ସହ ସେମାନଙ୍କ ଉପରେ ପୁରସ୍କାର ବର୍ଷା କରିଛନ୍ତି । ଏହାସହ ଅଗଷ୍ଟ ୧୫ ତାରିଖରେ କ୍ରୀଡ଼ାବିତମାନେ ସ୍ବାଧୀନତା ଦିବସରେ ସ୍ବତନ୍ତ୍ର ଅତିଥି ଭାବେ ଲାଲ କିଲ୍ଲାରେ ଯୋଗ ଦେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
