ଓରଲିୟନ୍ସ: ଭାରତୀୟ ବ୍ୟାଡ୍ମିଣ୍ଟନ ଖେଳାଳି ମିଥୁନ ମଞ୍ଜୁନାଥ(Indian shuttler Mithun Manjunath) ରବିବାର ଓରଲିୟନ୍ସ ମାଷ୍ଟର୍ସ ବ୍ୟାଡ୍ମିଣ୍ଟନ ଟୁର୍ଣ୍ଣାମେଣ୍ଟ(Orleans Masters badminton tournament)ରେ ଇଣ୍ଡୋନେସିଆର କ୍ରିଷ୍ଟିୟନ ଏଡିନାଟାଙ୍କୁ ସିଧାସଳଖ ମ୍ୟାଚ୍ରେ ହରାଇ ପ୍ରଥମ ଥର ସୁପର ୧୦୦ ଫାଇନାଲରେ ପ୍ରବେଶ କରିଛନ୍ତି । ପ୍ରକାଶ ପାଦୁକୋନ ବ୍ୟାଡ୍ମିଣ୍ଟନ ଏକାଡେମୀର ୨୩ ବର୍ଷୀୟ ମଞ୍ଜୁନାଥ, ଏଡିନାଟାଙ୍କୁ ୨୧-୧୮, ୨୧-୧୪ରେ ପରାସ୍ତ କରିଛନ୍ତି । ୪୭ ମିନିଟ୍ ଧରି ଏହି ମ୍ୟାଚ୍ ଖେଳାଯାଇଥିଲା ।
ବିଶ୍ବ ଟେନିସ ମାନ୍ୟତାର ୭୯ ନମ୍ବର ସ୍ଥାନରେ ଥିବା ମଞ୍ଜୁନାଥଙ୍କ ସାମ୍ନା ଫାଇନାଲରେ ମାନ୍ୟତାର ୩୨ତମ ସ୍ଥାନରେ ଥିବା ସ୍ଥାନୀୟ ଖେଳାଳି ଟୋମା ଜୁନିୟର ପୋପୋବଙ୍କ ସହ ହେବ । ମଞ୍ଜୁନାଥ ଚଳିତବର୍ଷ ସୟଦ ମୋଦି ଅନ୍ତର୍ଜାତୀୟ ସୁପର ୩୦୦ ସେମିଫାଇନାଲ ଓ ଓଡିଶା ସୁପର ଓପନର କ୍ବାର୍ଟର-ଫାଇନାଲରେ ପହଞ୍ଚିଥିଲେ । ଅନ୍ୟପଟେ ଅଶ୍ବିନୀ ଭଟ୍ଟ ଓ ଶିଖା ଗୌତମଙ୍କ ମହିଳା ଯୁଗଳ ଯୋଡି ସେମିଫାଇନାଲରେ ଜର୍ମାନୀ ପ୍ରତିନ୍ଦ୍ବନ୍ଦ୍ବୀଙ୍କ ଠାରୁ ୧୬-୨୧, ୨୧-୧୮, ୨୨-୨୪ରେ ପରାସ୍ତ ହୋଇଛନ୍ତି ।
