ନୂଆଦିଲ୍ଲୀ: ଅଲମ୍ପିକ ପ୍ରସ୍ତୁତି ଚଳାଇଥିବା ବକ୍ସର ସିମ୍ରନଜିତ କୌର କୋରାନା ପଜିଟିଭ ଚିହ୍ନଟ । ଫଳରେ ଅଭ୍ୟାସରୁ ବିରତି ନେବେ ସିମ୍ରନଜିତ । ଇନ୍ଦିରା ଗାନ୍ଧି ଇନଡୋର୍ ସ୍ପୋର୍ଟ୍ସ କମ୍ପ୍ଲେକ୍ସରେ ଗତ ଚାରିଦିନ ଧରି ଆଇସୋଲେସନରେ ରହିଛନ୍ତି । ଏହା କହିଛନ୍ତି ଜାତୀୟ ମହିଳା କ୍ୟାମ୍ପ୍ର ଜଣେ ସହକାରୀ କୋଚ ।
25 ବର୍ଷୀୟା ପଞ୍ଜାବ ବକ୍ସର ଗତ ବର୍ଷ ମାର୍ଚ୍ଚରେ 60 କିଲୋଗ୍ରାମ ମହିଳା ବର୍ଗରେ ଯୋଗ୍ୟତା ଅର୍ଜନ କରିଥିଲେ ।
ଚଳିତ ମାସ, ଇନ୍ଦିରା ଗାନ୍ଧି ଇନଡୋର୍ ସ୍ପୋର୍ଟ୍ସ କମ୍ପ୍ଲେକ୍ସରେ ଜାତୀୟ କ୍ୟାମ୍ପ୍ରେ ସାମିଲ ହୋଇଥିବା ଏକାଧିକ ଭାରତୀୟ ମହିଳା ବକ୍ସିଂ ଟିମର ସଦସ୍ୟ ଓ କୋଚିଂ ଷ୍ଟାଫ୍ କୋରୋନା ସଂକ୍ରମିତ ହୋଇଛନ୍ତି ।
ଜବାହାରଲାଲ ନେହେରୁ ଷ୍ଟାଡିୟମରେ ସୁସ୍ଥ ଥିବା ବକ୍ସର ରହିଛନ୍ତି । ସିମ୍ରନଜିତଙ୍କ ଦ୍ବିତୀୟ କୋଭିଡ-19 RT-PCR ଟେଷ୍ଟ ପଜିଟିଭ ଜଣାପଡିଥିଲା । ଫଳରେ ତାଙ୍କୁ ଇନ୍ଦିରା ଗାନ୍ଧି ଷ୍ଟାଡିୟମକୁ ସ୍ଥାନାନ୍ତର କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
