କଟକ: ଜୁନ 12 ରେ ବାରବାଟୀରେ ଭାରତ ବନାମ ଦକ୍ଷିଣ ଆଫ୍ରିକା ମୁକାବିଲା । ଏବେଠୁ ଉତ୍ସାହିତ ହେଲେଣି କ୍ରୀଡ଼ାପ୍ରେମୀ । କାରଣ ଦୀର୍ଘ ଦୁଇବର୍ଷ ପରେ ବାରବାଟୀକୁ ଫେରିଛି ଅନ୍ତର୍ଜାତୀୟ ମୁକାବିଲା । ତେଣୁ ଏହି ଜୁନ ମାସରେ ବର୍ଷା ସମ୍ଭବନା ରହିଥିବାରୁ ଓସିଏ ଆଣିଛି ସ୍ଵତନ୍ତ୍ର ଯୋଜନା ।
ବାରବାଟୀ ଫାଇଟ ପାଇଁ ଇଂଲଣ୍ଡରୁ OCA ମଗାଇଲା ହୋଭର କଭର
ପିଚ ଓ ଆଉଟ ଫିଲ୍ଡକୁ ସମ୍ପୂର୍ଣ୍ଣ ଘୋଡାଇବା ପାଇଁ ଇଂଲଣ୍ଡରୁ ହୋଭର କଭର ମଗାଇଛି ଓଡିଶା କ୍ରିକେଟ ସଙ୍ଘ । ଯାହା ଚଳିତ ମାସ ଶେଷ ସୁଦ୍ଧା କିମ୍ବା ଜୁନ ପ୍ରଥମ ସପ୍ତାହ ସୁଦ୍ଧା ବାରବାଟୀରେ ପହଞ୍ଚିବ । ଏହାକୁ କାର୍ଯ୍ୟକ୍ଷମ କରିବା ପାଇଁ ବେଙ୍ଗଲ କ୍ରିକେଟ ସଙ୍ଘର 25 ରୁ ଊର୍ଦ୍ଧ୍ବ ତାଲିମ ପ୍ରାପ୍ତ କର୍ମଚାରୀ ଓସିଏ ଆସିବା ପାଇଁ ସ୍ଥିର ହୋଇଛି । ଏହାସହ ଓସିଏ ନିକଟରେ ବର୍ତ୍ତମାନ ଗୋଟିଏ ଅଷ୍ଟ୍ରେଲିଆନ ସୁପର ସବର ରହିଛି ଏବଂ ଗୋଟିଏ ସୁପର ସବର ମ୍ୟାଚ ପୂର୍ବରୁ ଷ୍ଟାଡିୟମରେ ମୁତୟନ ଥିବା ନେଇ କହିଛନ୍ତି ଓସିଏ ସମ୍ପାଦକ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
