ନୂଆଦିଲ୍ଲୀ: ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ(SAI) ଓ ନ୍ୟାସନାଲ ସ୍ପୋର୍ଟ୍ସ ଫେଡେରେସନ(NSF) ପକ୍ଷରୁ ଆରମ୍ଭ ହୋଇଥିବା ଅନଲାଇନ କୋଚିଂର ଆଜି 3ୟ ଦିନ । 2ୟ ଦିନରେ ପ୍ରାୟ 5000ରୁ ଅଧିକ କୋଚ ଏହି ୱାର୍କସପରେ ଯୋଗଦେଇଥିବା କହିଛନ୍ତି କେନ୍ଦ୍ର କ୍ରୀଡାମନ୍ତ୍ରୀ କିରେନ ରିଜିଜ୍ଜୁ ।
ଦେଶବ୍ୟାପୀ ଭିନ୍ନଭିନ୍ନ କ୍ରୀଡାର 14ଟି ବିଭାଗରେ 5075 ଜଣ କୋଚ 2ୟ ଦିନରେ ଅନଲାଇନ ୱାର୍କସପରେ ଅଂଶଗ୍ରହଣ କରିଥିଲେ । ଏହି ୱାର୍କସପରେ ଦ୍ରୋଣାଚାର୍ଯ୍ୟ ଆୱାର୍ଡ ବିଜେତା ସଞ୍ଜୀବ ସିଂଙ୍କ ତତ୍ତ୍ବାବଧାନରେ ହୋଇଥିଲା । କାର୍ଯ୍ୟକ୍ରମରେ କେନ୍ଦ୍ର କ୍ରୀଡାମନ୍ତ୍ରୀ କିରେନ ରିଜିଜ୍ଜୁ, ଓ ଭାରତୀୟ ତୀରନ୍ଦାଜ ଆସୋସିଏସନର ସଭାପତି ଅର୍ଜୁନ ମୁଣ୍ଡା ଉପସ୍ଥିତ ରହିଥିଲେ । ମେ 2 ତାରିଖ ପର୍ଯ୍ୟନ୍ତ ଏହି ଅନଲାଇନ ୱାର୍କସପ ଚାଲୁ ରହିବ ।
