ହାଇଦ୍ରାବାଦ : ଅଲମ୍ପିକରେ ଦୁଇ ଥର ପଦକ ହାସଲ କରିଥିବା ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁ ମାଲେସିଆ ମାଷ୍ଟର ବ୍ୟାଡମିଣ୍ଟନ ପ୍ରତିଯୋଗିତାରେ ପ୍ରଥମ ରାଉଣ୍ଡ ଜିତି ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି । ପ୍ରଥମ ରାଉଣ୍ଡରେ ପିବି ସିନ୍ଧୁ ଚୀନର ହୀ ବିଙ୍ଗ ଜୀଓଙ୍କୁ 21-13, 17-21, 21-15 ପଏଣ୍ଟରେ ପରାସ୍ତ କରିଛନ୍ତି । ଦ୍ବିତୀୟ ରାଉଣ୍ଡରେ ପ୍ରବେଶ ସହିତ ସିନ୍ଧୁ ଇଣ୍ଡୋନେସିଆ ସୁପର 1000 ରୁ ହୀ ବିଙ୍ଗ ଜୀଓଙ୍କଠୁ ପରାସ୍ତ ହୋଇଥିଲେ । ତେବେ ସେ ମାଲେସିଆ ମାଷ୍ଟର ବ୍ୟାଡମିଣ୍ଟନ ପ୍ରତିଯୋଗିତାରେ ପ୍ରଥମ ରାଉଣ୍ଡରେ ବିଙ୍ଗ ଜୀଓଙ୍କୁ ପରାସ୍ତ କରି ପ୍ରତିଶୋଧ ନେଇଛନ୍ତି ।
ସେହିପରି ଲଣ୍ଡନ ଅଲମ୍ପିକରେ ବ୍ରୋଞ୍ଜ ପଦକ ବିଜେତା ସାଇନା ନେହୱାଲ ପ୍ରଥମ ରାଉଣ୍ଡରେ ପରାସ୍ତ ହୋଇଛନ୍ତି । ଦକ୍ଷିଣ କୋରିଆର କିମ ଗା ୟୁନଙ୍କଠାରୁ 21-16, 17-21,14-21 ପଏଣ୍ଟରେ ପରାସ୍ତ ହୋଇଛନ୍ତି ।
ସେହିପରି ପୁରୁଷ ସିଙ୍ଗଲସରେ ବି ସାଇ ପ୍ରଣିତ ଏବଂ ପାରୁପଲ୍ଲୀ କାଶ୍ୟପ ମଧ୍ୟ ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି । ପ୍ରତିଯୋଗୀ କେଭିନ କୋର୍ଡନଙ୍କୁ 21-8, 21-9 ପଏଣ୍ଟରେ ହରାଇ ସହଜରେ ବିଜୟ ହୋଇ ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି । ସେହିପରି ପାରୁପଲ୍ଲୀ କାଶ୍ୟପ ଟୋମୀ ସୁଗିୟାର୍ତୋଙ୍କୁ 16-21, 21-16, 21-16 ରେ ପରାସ୍ତ କରିଛନ୍ତି ।
