ଭୁବନେଶ୍ବର: ଆରମ୍ଭ ହେଲା ଖେଲୋ ଇଣ୍ଡିଆ ୟୁଥ ଗେମ୍ସର 3ୟ ସଂସ୍କରଣ । ଶୁକ୍ରବାର ଗୌହାଟିର ଇନ୍ଦିରା ଗାନ୍ଧୀ ଷ୍ଟାଡିୟମରେ ଏହି ସମ୍ମାନଜନକ ପ୍ରତିଯୋଗୀତା ଉଦ୍ଘାଟିତ ହୋଇଛି । ଉଦ୍ଘାଟନୀ ଉତ୍ସବରେ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋୱାଲ ଓ କେନ୍ଦ୍ର କ୍ରୀଡାମନ୍ତ୍ରୀ ପ୍ରଥମ କିରଣ ରିଜିଜୁ ଯୋଗ ଦେଇଥିଲେ । ଏହି ପ୍ରତିଯୋଗୀତାରେ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ପ୍ରାୟ 6,800 ଖେଳାଳି ଅଶଂଗ୍ରହଣ କରିଛନ୍ତି ।
ଭାରତର ଅନ୍ୟତମ ଷ୍ଟାର ଧାବିକା ହୀମା ଦାସ ମଶାଲ ଜଳାଇ ପ୍ରତିଯୋଗୀତାର ଶୁଭାରମ୍ଭ କରିଥିଲେ । ତେବେ ପ୍ରଥମ ଦିନର ଖେଳରେ ଓଡିଶା ସ୍ବର୍ଣ୍ଣ ପଦକରୁ ଖାତା ଖୋଲିଛି । ଜିମ୍ନାଷ୍ଟ୍ ଜଗଦୀଶ ବାରିକ ଓଡିଶାକୁ ପ୍ରଥମ ସ୍ବର୍ଣ୍ଣ ପଦକ ଭେଟି ଦେଇଛନ୍ତି । 17 ବର୍ଷରୁ କମ ବାଳକ ଜିମ୍ନାଷ୍ଟିକ୍ସରେ ଟେବୁଲ ଭଲ୍ଟରେ ଜଗଦୀଶ ସ୍ବର୍ଣ୍ଣ ଜିତି ଓଡିଶା ପାଇଁ ଗୌରବ ଆଣିଛନ୍ତି ।
