ଭୁବନେଶ୍ବର: ଚଳିତ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ ଓଡ଼ିଶା ପାଇଁ ଦ୍ୱିତୀୟ ସ୍ବର୍ଣ୍ଣ ପଦକ ଜିତିଛନ୍ତି ଭାରୋତ୍ତୋଳକ ମନୋଜ କୁମାର ସାହୁ। ସେ ପୁରୁଷ ୭୩ କେଜି ଭାରୋତ୍ତୋଳନ ବିଭାଗରେ ବ୍ରହ୍ମପୁର ବିଶ୍ୱବିଦ୍ୟାଳୟ ପାଇଁ ପ୍ରଥମ ସ୍ବର୍ଣ୍ଣ ପଦକ ଅର୍ଜନ କରିଛନ୍ତି ।
ଖେଲୋ ଇଣ୍ଡିଆ ସ୍ବର୍ଣ୍ଣ ବିଜୟୀ ମନୋଜଙ୍କ ସଫଳତା ପଛର କାହାଣୀ
ଏହି ଅବସରରେ ତାଙ୍କ ସହିତ ସ୍ୱତନ୍ତ୍ର ସାକ୍ଷାତକାର ବେଳେ ସେ ନିଜ ପରିଶ୍ରମର ଫଳ ପାଇଥିବା କହିଛନ୍ତି । ନିଜ ପରିବାରର ସଦସ୍ୟମାନଙ୍କ ପ୍ରୋତ୍ସାହନ ଯୋଗୁ ସେ ଏହି ଖେଳ ପ୍ରତି ଆକୃଷ୍ଟ ହୋଇ ଥିବାବେଳେ ଆଗାମୀ ଦିନରେ ଜଣେ ଆନ୍ତର୍ଜାତୀୟ ଭାରୋତ୍ତୋଳକ ହେବାକୁ ଇଚ୍ଛା ପ୍ରକାଶ କରିଛନ୍ତି । ଆଉ ସେ ଭାରାଉତ୍ତୋଳନ କ୍ଷେତ୍ରରେ ଓଡ଼ିଆ ପୁଅ ରବି କୁମାରଙ୍କ ପରି ହେବାକୁ ଚାହୁଁଥିବା କହିଛନ୍ତି । ଏଥିସହିତ ଏହି ବିଜୟର ଶ୍ରେୟ ସେ ନିଜ ପିତାମାତା, କୋଚ ଓ ପରିବାର ସଦସ୍ୟଙ୍କୁ ଦେବାକକୁ ଚାହାନ୍ତି ବୋଲି କହିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
