ନୂଆଦିଲ୍ଲୀ: ଦେଶର ସର୍ବୋଚ୍ଚ କ୍ରୀଡା ପୁରସ୍କାର ରାଜୀବ ଗାନ୍ଧୀ ଖେଳରତ୍ନ ପାଇଁ ଭାରତର ଏକମାତ୍ର ପାରା-ଅଲମ୍ପିକ୍ ରୌପ୍ୟ ପଦକ ବିଜେତା ଦୀପା ମଲ୍ଲିକଙ୍କ ନାମ ଘୋଷଣା କରାଯାଇଛି । ତାଙ୍କ ସହିତ ଭାରତୀୟ ଷ୍ଟାର କୁସ୍ତ ଯୋଦ୍ଧା ବଜରଙ୍ଗ ପୁନିଆଙ୍କ ନାମ ମଧ୍ୟ ସାମିଲ ରହିଛି ।
ଅନ୍ୟପଟେ ଅର୍ଜୁନ ପୁରସ୍କାର ପାଇଁ କ୍ରିକେଟର ରବିନ୍ଦ୍ର ଜାଡେଜାଙ୍କ ସହ ଅନ୍ୟ 19ଜଣଙ୍କ ନାମ ଘୋଷଣା କରାଯାଇଛି । ଚଳିତ ମାସ 29 ତାରିଖରେ ଜାତୀୟ କ୍ରୀଡ଼ା ଦିବସ । ଏହି ଅବସରରେ ଶ୍ରେଷ୍ଠ କ୍ରୀଡ଼ାବୀତଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ସମ୍ମାନିତ କରିବେ । 16 ଓ 17 ତାରିଖ ଦୁଇ ଦିନ ଧରି ବସିଥିବା ପୁରସ୍କାର ଚୟନ କମିଟି ଏମାନଙ୍କ ନାମକୁ ପୁରସ୍କାର ପାଇଁ ସ୍ଥିର କରିଛି । ସେହିପରି ଓଡିଶାର ସୁନାମଧନ୍ୟ ପାର-ଆଥଲେଟ୍ ପ୍ରମୋଦ ଭଗତ୍ଙ୍କ ନାମ ଅର୍ଜୁନ ପୁରସ୍କାର ପାଇଁ ଘୋଷଣା ହୋଇଛି ।
ଅନ୍ୟପଟେ ପୁରସ୍କାର କମିଟି ପକ୍ଷରୁ ପ୍ରକାଶ ପାଇଥିବା ତାଲିକା ଅନୁଯାୟୀ, ଚଳିତ ବର୍ଷ 3 ଜଣଙ୍କୁ ଦ୍ରୋଣାଚାର୍ଯ୍ୟ ସମ୍ମାନ ଦିଆଯିବା । ସେମାନେ ହେଲେ ବିମଳ କୁମାର (ବ୍ୟାଡମିଣ୍ଟନ), ସନ୍ଦୀପ ଗୁପ୍ତା(ଟେବୁଲ ଟେନିସ) ଓ ମହିନ୍ଦ୍ର ସିଂହ ଢୀଲୋନ (ଆଥଲେଟିକ୍ସ) ।
ସମସ୍ତ ପୁରସ୍କାର ପାଇଁ ପ୍ରକାଶ ପାଇଥିବା ଚୂଡାନ୍ତ ତାଲିକା-
ରାଜୀବ ଗାନ୍ଧି ଖେଳରତ୍ନ ପୁରସ୍କାର-
- ଦୀପା ମଲ୍ଲିକ (ପାରା ଆଥଲେଟିକ୍ସ)
- ବଜରଙ୍ଗ ପୁନିଆ (କୁସ୍ତୀ)
ଦ୍ରୋଣାଚାର୍ଯ୍ୟ ସମ୍ମାନ-
- ବିମଳ କୁମାର (ବ୍ୟାଡମିଣ୍ଟନ)
- ସନ୍ଦୀପ ଗୁପ୍ତା(ଟେବୁଲ ଟେନିସ)
- ମହିନ୍ଦ୍ର ସିଂହ ଢୀଲୋନ (ଆଥଲେଟିକ୍ସ)
ଅର୍ଜୁନ ପୁରସ୍କାର-
- ତଜିନ୍ଦର ସିଂହ ତୋର(ଆଥଲେଟିକ୍ସ)
- ମହମ୍ମଦ ଆନ୍ସ (ଆଥଲେଟିକ୍ସ)
- ଏସ୍ ଭାସ୍କରନ(ବଡି ବିଲଡିଂ)
- ସୋନିଆ ଲାଥେର (ବକ୍ସିଂ)
- ରବୀନ୍ଦ୍ର ଜାଡେଜା (କ୍ରିକେଟ)
- ଚିଙ୍ଗଲେନସାନା ସିଂହ କାଙ୍ଗୁଜାମ (ହକି)
- ଅଜୟ ଠାକୁର (କବାଡ଼ି)
- ଗୌରବ ସିଂହ ଗିଲ (ମୋଟର ସ୍ପୋର୍ଟ)
- ପ୍ରମୋଦ ଭଗତ (ପାରା ବ୍ୟାଡମିଣ୍ଟନ)
- ଅଞ୍ଜୁମ ମୋଦଗିଲ (ଶୁଟିଂ)
- ହରମୀତ ରାଜୁଲ ଦେଶାଇ (ଟେବୁଲ ଟେନିସ)
- ପୂଜା ଧଣ୍ଡା(ରେସଲିଂ)
- ଫୌଦ ମିର୍ଜା(ଏକ୍ୟୁଷ୍ଟ୍ରିଆନ)
- ଗୁରପ୍ରୀତ ସିଂହ ସାନ୍ଧୁ (ଫୁଟବଲ)
- ପୁନମ ଯାଦବ (କ୍ରିକେଟ)
- ସ୍ବପ୍ନା ବର୍ମା (ଆଥଲେଟିକ୍ସ)
- ସୁନ୍ଦର ସିଂହ ଗୁରଜାର (ପାରା ଆଥଲେଟିକ୍ସ)
- ସାଇ ପ୍ରଣୀତ(ବ୍ୟାଡମିଣ୍ଟନ)
- ଶ୍ରୀରାମ ସିଂହ ଶେରଗିଲ(ପୋଲୋ)
