ନୂଆଦିଲ୍ଲୀ: ଅନ୍ତର୍ଜାତୀୟ ଟେବୁଲ ଟେନିସ ଫେଡରେସନ (ଆଇଟିଟିଏଫ୍) ମାନ୍ୟତାରେ ଶୀର୍ଷରେ ଭାରତୀୟ ଯୁବ ଖେଳାଳି । ସଦ୍ୟ ପ୍ରକାଶିତ 21 ବର୍ଷରୁ କମ୍ ପୁରୁଷ ସିଙ୍ଗଲ୍ସ ବର୍ଗ ମାନ୍ୟତାରେ ପ୍ରଥମ ସ୍ଥାନରେ ରହିଛନ୍ତି ମାନବ ଠକ୍କର । ସେ ଏକକାଳିନ 9 ଟି ସ୍ଥାନ ଉପରକୁ ଉଠି ଶୀର୍ଷରେ ପହଞ୍ଚିଯାଇଛନ୍ତି ।
ଗତ ଡିସେମ୍ବରରେ କାନାଡ଼ାର ମାରଖାମରେ ଅନୁଷ୍ଠିତ ଆଇଟିଟିଏଫ୍ ଚ୍ୟାଲେଞ୍ଜ ପ୍ଲସ୍ ବେନେମାକ୍ସ- ଭିରଗୋ ନର୍ଥ ଆମେରିକା ଓପନରେ 21 ବର୍ଷରୁ କମ୍ ପୁରୁଷ ସିଙ୍ଗଲ୍ସ ଟାଇଟଲ ହାସଲ କରିଥିଲେ ମାନବ । ଏହି ଟୁର୍ଣ୍ଣାମେଣ୍ଟ ଫାଇନାଲରେ ସେ ଆର୍ଜେଣ୍ଟିନାର ମାର୍ଟିନ ବେଣ୍ଟାନକୋରଙ୍କୁ 11-3, 11-5, 11-6 ପଏଣ୍ଟରେ ହରାଇ ବିଜୟୀ ହୋଇଥିଲେ ।
