କଟକ: ନିକଟରେ ସିଲ୍ଭର୍ ସିଟି ଆୟୋଜନ କରିଥିଲା ରାଜ୍ୟଗୋଷ୍ଠୀ ଟେବୁଲ ଟେନିସ(ଟିଟି) ପ୍ରତିଯୋଗିତା । ଆଉ ପୁଣି ଏବେ ଆଉ ଏକ ଟିଟି ଲଢେଇ। ସ୍ଥାନୀୟ ଜବହାରଲାଲ ଇନଣ୍ଡୋର ଷ୍ଟାଡିୟମରେ ବୁଧବାରଠୁ ଆରମ୍ଭ ହୋଇଛି 25ତମ ଅନ୍ତଜିଲ୍ଲା ଟେବୁଲ ଟେନିସ ପ୍ରତିଯୋଗିତା।
ତେବେ ରାଜ୍ୟରୁ 310 ଜଣ ଖେଳାଳି ଏହି ପ୍ରତିଯୋଗିତାରେ ଭାଗ ନେଇଛନ୍ତି । ଯେଉଁଥିରେ 255 ଜଣ ପୁରୁଷ ପ୍ରତିଯୋଗୀ ଓ 55 ଜଣ ମହିଳା ରହିଛନ୍ତି । ସମୁଦାୟ 20ଟି ଜିଲା ଓ 5ଟି ସଂସ୍ଥା ଏହି ମୁକାବିଲାରେ ସାମଲ ହୋଇଛନ୍ତି । କେନ୍ଦ୍ରାଞ୍ଚଳ ଆରଡିସି ଅନୀଲ କୁମାର ସାମଲ ଓ ସିଏମସି କମିଶନର ଅନନ୍ୟା ଦାସ ଏହି କାର୍ଯ୍ୟକ୍ରମକୁ ଉଦଘାଟନ କରିଛନ୍ତି।
କିପରି ଆଗମୀ ଦିନରେ ରାଜ୍ୟର ଯୁବ ପ୍ରତିଭା ଅନ୍ତର୍ଜାତୀୟ ସ୍ତରରେ ନିଜର ପ୍ରତିଭା ଦେଖାଇବେ ସେ ଦିଗରେ ମଧ୍ୟ ବାର୍ତା ଦେଇଥିଲେ ଉଭୟେ। ଚଳିତବର୍ଷ ଟେବୁଲ ଟେନିସ ସଂଘର ଏହା ଶେଷ ପ୍ରତିଯୋଗିତା। ଏହି ମୁକାବିଲାରେ ଶ୍ରେଷ୍ଠ ପ୍ରଦର୍ଶନକାରୀ ସିଧାସଳଖ ଓଡିଶା ସିନିୟର ଟିମ ପାଇଁ ଚୟନ ହେବ।
କଟକରୁ ପ୍ରଭୁକଲ୍ୟାଣ ପାଲଙ୍କ ରିପୋର୍ଟ, ଇଟିଭି ଭାରତ
