ହାଇଦ୍ରାବାଦ: ବିଶ୍ବ ଆଣ୍ଟି ଡୋପିଂ ଏଜେନ୍ସି (World Anti-Doping Agency) ପକ୍ଷରୁ ୨୦୨୦ ବର୍ଷର ରିପୋର୍ଟ ପ୍ରକାଶ ପାଇଛି । ଏହି ରିପୋର୍ଟ ଅନୁସାରେ ନିଷିଦ୍ଧ ଔଷଧ ସେବନ (Anti-Doping) ନିୟମ ଉଲ୍ଲଙ୍ଘନରେ ଦ୍ବିତୀୟ ସ୍ଥାନରେ ରହିଛି ଭାରତ । ୫୯ ମାମଲାରେ ଭାରତ ନିୟମ ଉଲ୍ଲଙ୍ଘନ କରିଥିବା ବେଳେ ରୁଷିଆ ସବୁଠୁ ଅଧିକ ୧୩୫ ଥର ଆଣ୍ଟି ଡୋପିଂ ନିୟମ ଉଲ୍ଲଙ୍ଘନ କରି ଏହି ମାମଲାରେ ପ୍ରଥମ ସ୍ଥାନରେ ରହିଛି । ୨୦୧୩ ମସିହାରୁ ବିଶ୍ବରେ ଭାରତ ଶୀର୍ଷ ୭ଟି ଦେଶ ମଧ୍ୟରେ ରହି ଆସୁଛି । ୨୦୧୪, ୨୦୧୫ ଓ ୨୦୧୯ରେ ଭାରତ ତୃତୀୟରେ ରହିଥିଲା ବେଳେ ୨୦୧୮ରେ ଚତୁର୍ଥକୁ ଖସିଥିଲା ।
-
Our eighth annual Anti-Doping Rule Violations (ADRVs) Report is now available. The Report illustrates doping offences committed in global sport during 2020 and includes all decisions received by our Legal Affairs Department up to 10 November 2022 | Read the report here:… pic.twitter.com/Y1ih9m7y93
— WADA (@wada_ama) May 29, 2023 " class="align-text-top noRightClick twitterSection" data="
">Our eighth annual Anti-Doping Rule Violations (ADRVs) Report is now available. The Report illustrates doping offences committed in global sport during 2020 and includes all decisions received by our Legal Affairs Department up to 10 November 2022 | Read the report here:… pic.twitter.com/Y1ih9m7y93
— WADA (@wada_ama) May 29, 2023Our eighth annual Anti-Doping Rule Violations (ADRVs) Report is now available. The Report illustrates doping offences committed in global sport during 2020 and includes all decisions received by our Legal Affairs Department up to 10 November 2022 | Read the report here:… pic.twitter.com/Y1ih9m7y93
— WADA (@wada_ama) May 29, 2023
୨୦୨୨ ନଭେମ୍ବର ୧୦ ତାରିଖ ମଧ୍ୟରେ ଗ୍ରହଣ କରାଯାଇଥିବା ତଥ୍ୟକୁ ଆଧାର କରି ୨୦୨୦ ବର୍ଷ ପାଇଁ ଆଣ୍ଟି ଡୋପିଂ ଉଲ୍ଲଙ୍ଘନ ରିପୋର୍ଟ ପ୍ରସ୍ତୁତ କରିଛି WADA । ୨୦୨୦ ମସିହାରେ ଭାରତରେ ୬୫ ରକ୍ତ ନମୂନା ସହ ମୋଟ ୧୧୮୬ ନମୂନା ପରୀକ୍ଷା କରିଥିଲା ଜାତୀୟ ଆଣ୍ଟି ଡୋପିଂ ଏଜେନ୍ସି (National Anti-Doping Agency) । ତେବେ ଏହି ପରୀକ୍ଷାଗୁଡ଼ିକ ମଧ୍ୟରୁ ୫୫ ନମୂନା ପଜିଟିଭ୍ ଆସିଥିଲା । କୌଣସି ଜାତୀୟ ଆଣ୍ଟି ଡୋପିଂ ସଂଗଠନ ଦ୍ବାରା ୧୦୦୦ କିମ୍ବା ଏହାଠାରୁ ଅଧିକ ନମୂନା ପରୀକ୍ଷାରୁ ଆସିଥିବା ରିପୋର୍ଟ ତୁଳନାରେ ଭାରତରୁ ଆସିଥିବା ସଂଖ୍ୟା ସର୍ବାଧିକ ଥିଲା । ଏହି ସମସ୍ତ ୫୫ ନମୂନାକୁ ଆଣ୍ଟି ଡୋପିଂ ନିୟମ ଉଲ୍ଲଙ୍ଘନ ସଂଖ୍ୟା ଭାବେ ପ୍ରକାଶିତ ରିପୋର୍ଟରେ ଦର୍ଶାଇଛି ବିଶ୍ବ ଆଣ୍ଟି ଡୋପିଂ ଏଜେନ୍ସି ।
୨୦୨୦ ରିପୋର୍ଟ ଅନୁସାରେ, ଭାରତରେ ଆଣ୍ଟି ଡୋପିଂ କ୍ଷେତ୍ରରେ ଭାରୋତ୍ତୋଳନ ୧୫ ଥର ଓ ଦୌଡ଼କୁଦ ୧୨ ଥର ନିୟମ ଉଲ୍ଲଙ୍ଘନ କରି ଆଗରେ ରହିଛନ୍ତି । ସେହିପରି ଅଣଅଲିମ୍ପିକ୍ କ୍ରୀଡ଼ା ମଧ୍ୟରେ ଶକ୍ତିଉତ୍ତୋଳନ ଓ କବାଡ଼ିରେ ମଧ୍ୟ ଏହି ମମାଲା ୭ ଥର ଲେଖାଏଁ ରେକର୍ଡ କରାଯାଇଛି । ସେହିଭଳି କୁସ୍ତିରୁ ୬ ମାମଲା ସାମ୍ନାକୁ ଆସିଛି । ଭାରତର ମୋଟ ୫୯ ଆଣ୍ଟି ଡୋପିଂ ଉଲ୍ଲଙ୍ଘନ ମାମଲାରୁ ୪ଟି ଅଣବିଶ୍ଲେଷଣ ମାମଲା ରହିଛି । ସେହି ମଧ୍ୟରୁ ୩ଟି ଦୌଡ଼କୁଦରୁ ଏବଂ ଗୋଟିଏ ଜୁଡୋରୁ ରେକର୍ଡ କରାଯାଇଛି । WADA ପକ୍ଷରୁ ପ୍ରତିବର୍ଷ ଦୁଇଟି ଅଲଗା ଅଲଗା ରିପୋର୍ଟ ପ୍ରକାଶ କରାଯାଇଥାଏ । ୨୦୨୧ର ପରୀକ୍ଷା ରିପୋର୍ଟକୁ ଚଳିତ ବର୍ଷ ଜାନୁଆରୀରେ ପ୍ରକାଶ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
