ଲିମା(ପେରୁ): ଅନ୍ତର୍ଜାତୀୟ ସୁଟିଂ ସ୍ପୋର୍ଟ ଫେଡେରେସନ(ISSF) ଜୁନିଅର ବିଶ୍ବ ଚମ୍ପିଆନସିପ୍ ଶେଷ ହୋଇଛି । ମୋଟ ୪୩ ପଦକ ସହ ଭାରତ ଅଭିଯାନ ଶେଷ କରିଛି । ଶେଷ ଦିନରେ ବିଜୟବୀର ସିଦ୍ଧୁ, ରିଦିମ ସଙ୍ଗୱାନ, ଅର୍ଜୁନ ସିଂ ଚୀମା ଓ ଶିଖା ନରୱାଲ ଭାରତର ସ୍ବର୍ଣ୍ଣ ପଦକ ବିଜେତା ରହିଛନ୍ତି । ଫଳରେ ମୋଟ ୧୭ ସ୍ବର୍ଣ୍ଣ, ୧୬ ରୌପ୍ୟ ଓ ୧୦ ବ୍ରୋଞ୍ଜ ପଦକ ସହ ପଏଣ୍ଟ ଟେବୁଲର ଶୀର୍ଷରେ ରହିଛି ଭାରତ ।
ଜୁନିଅର ପୁରୁଷ ୨୫ ମିଟର ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ବୀଜୟବୀର ସ୍ବର୍ଣ୍ଣ ପଦକ ନିଜ ନାମରେ କରିଥିଲେ। ସେହିପରି ରିଦିମ ସଙ୍ଗୱାନ ଜୁନିଅର ମହିଳା ୨୦ ମିଟର ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ୫୭୩ ପଏଣ୍ଟ ସହ ସ୍ବର୍ଣ୍ଣ ଜିତିଥିଲେ । ନିବେଦିତା ଭେଲୁର ୫୬୫ ପଏଣ୍ଟ ସହ ରୌପ୍ୟ ଓ ନାମ୍ୟା କାପୁର ୫୬୩ ପଏଣ୍ଟ ସହ ବ୍ରୋଞ୍ଜ ହାସଲ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
