ହାଇଦ୍ରାବାଦ: ଟୋକିଓ ଅଲମ୍ପିକରେ ସଫଳତା ହାସଲ କରି ଭାରତକୁ ବ୍ରୋଞ୍ଜ ପଦକ ଭେଟି ଦେଇଥିବା ହକି ଦଳ ଏବେ କମନ ୱେଲଥ ଗେମ୍ସ ପାଇଁ ନିଜକୁ ପ୍ରସ୍ତୁତ କରିଛି । କମନ ୱେଲଥ ଗେମ୍ସରେ ଅଷ୍ଟ୍ରେଲିଆ ହକି ଦଳର ଦବଦବା ଭାରତ ପାଇଁ ଟିକେ ଚ୍ୟାଲଞ୍ଜପୂର୍ଣ୍ଣ ହୋଇପାରେ । ତଥାପି ଭାରତୀୟ ହକି ଦଳ ପ୍ରତିଦ୍ବନ୍ଦୀ ମାନଙ୍କ ବିପକ୍ଷରେ ଖେଳିବା ପାଇଁ ନିଜକୁ ଏବେଠୁ ପ୍ରସ୍ତୁତ କରିଛି ।
ଟୋକିଓ ଅଲମ୍ପିକ୍ସରେ ଭାରତୀୟ ହକି ଦଳ ବ୍ରୋଞ୍ଜ ପଦକ ହାସଲ ପରେ ଭାରତୀୟ ପୁରୁଷ ଦଳ ଏହି ସିଜିନର ଏଫଆଇଏଚ ପ୍ରୋ ଲିଗ ମ୍ୟାଚରେ ବେଲଜିୟମ ଏବଂ ନେଦରଲାଣ୍ଡ ପରେ ଭାରତ ତୃତୀୟ ସ୍ଥାନରେ ରହିଛି । ଯଦି ଖେଳାଳି ନିଜ କ୍ଷମତା ଅନୁସାରେ ଦମଦାର ପ୍ରଦର୍ଶନ କରିବେ ତାହେଲେ କୌଣସି ସନ୍ଦେହ ନାହିଁ କି ଭାରତ କମନ ୱେଲଥ ଗେମ୍ସରେ ଫାଇନାଲରେ ପ୍ରବେଶ କରି ଦେଶ ପାଇଁ ସ୍ବର୍ଣ୍ଣ ପଦକ ହାସଲ କରିପାରେ ।
କମନ ୱେଲଥ ଗେମ୍ସରେ ହକିର ଅନେକ ପ୍ରତିଦ୍ବନ୍ଦୀ ରହିଥିବେ । ସବୁ ମ୍ୟାଚ ଜିତିବା ପାଇଁ କଠିନ ହୋଇପାରେ । ଭାରତ ମଧ୍ୟ କମନ ୱେଲଥ ଗେମ୍ସରେ ଖେଳିବାକୁ ଥିବା ହକି ମ୍ୟାଚ ଗୁଡିକ ଗୁରୁତର ସହିତ ଖେଳିବ । ଭାରତ ଆଗରେ ଅଷ୍ଟ୍ରେଲିଆ ସହିତ ନ୍ୟୁଜଲାଣ୍ଡ, ଇଂଲଣ୍ଡ, କାନାଡା ଏବଂ ପାକିସ୍ତାନ ଭଳି ପ୍ରତିଦ୍ବନ୍ଦୀ ରହିଛନ୍ତି । ଏମାନଙ୍କ ବିପକ୍ଷରେ ଭାରତକୁ ମ୍ୟାଚ ଗୁରୁତର ଭାବରେ ଖେଳିବାକୁ ପଡିବ ।
କମନ ୱେଲଥ ଗେମ୍ସରେ ଭାରତର ମ୍ୟାଚ ପୁଲ ବିରେ ଇଂଲଣ୍ଡ, କାନାଡା, ୱେଲ୍ସ ଏବଂ ଘାନା ବିପକ୍ଷରେ ରଖାଯାଇଛି ସେହିପରି ପୁଲ ଏରେ ଅଷ୍ଟ୍ରେଲିଆ, ନ୍ୟୁଜଲାଣ୍ଡ, ଦକ୍ଷିଣ ଆଫ୍ରିକା, ପାକିସ୍ତାନ ଏବଂ ସ୍କଟଲାଣ୍ଡର ମ୍ୟାଚ ରହିଛି ।
ଭାରତୀୟ ହକି ଦଳର ମୁଖ୍ୟ କୋଚ ଗ୍ରାହମ ରୈଡ କମନ ୱେଲଥ ଗେମ୍ସରେ ଭାରତର ଉତ୍ତମ ପ୍ରଦର୍ଶନକୁ ନେଇ ଆଶ୍ବସ୍ତ ରହିଛନ୍ତି । ଏନେଇ ଗ୍ରାହମ ରୈଡ କହିଛନ୍ତି ଖେଳର ଫଳାଫଳକୁ ନେଇ ଏବେଠୁ ଅନୁମାନ କରିବା ଏତେ ସହଜ ନୁହେଁ । କିଛି ବି ହୋଇପାରେ, କାରଣ ଅନ୍ତର୍ଜାତୀୟ ହକି ଦଳର ପାର୍ଥକ୍ୟ ବହୁତ କମ ରହିଛି । ଖେଳରେ ଆମେ ସ୍ଥିତିକୁ ଆମ କ୍ଷମତା ଅନୁସାରେ ନିୟନ୍ତ୍ରଣ କରିବୁ । ଭାରତୀୟ ଦଳରେ ଉପ ଅଧିନାୟକ ହରମନପ୍ରିତ ସିଂହ, ଅମିତ ରୋହିଦାସ, ବରୁଣ କୁମାର, ଏବଂ ଜୁଗରାଜ ସିଂହ ଭଳି ମଜବୁତ ପେନାଲ୍ଟି କର୍ଣ୍ଣର ରହିଛନ୍ତି । ସେହିପରି ପିଆର ଶ୍ରୀଜେଶଙ୍କ ଭଳି ବିଶ୍ବ ସ୍ତରିୟ ଗୋଲକିପର ରହିଛନ୍ତି ଭାରତୀୟ ହକି ଦଳରେ । ଏଥର କମନ ୱେଲଥ ଗେମ୍ସ ପ୍ରାୟ ମୋ ପାଇଁ ପ୍ରଶିକ୍ଷକ ହିସାବରେ ଶେଷ ଖେଳ ହେବ ତେଣୁ ଭାରତ ସ୍ବର୍ଣ୍ଣ ପଦକ ହାସଲ କରୁ ବୋଲି ମୁଁ ଅନ୍ତରରୁ ଚାହୁଁଛି ।
