ନୂଆଦିଲ୍ଲୀ: ରେସଲର ସାଗର ଧନକରଙ୍କ ହତ୍ୟା ମାମଲାରେ ଗିରଫ ହୋଇ ଜେଲରେ ଅଛନ୍ତି ଅଲମ୍ପିଆନ ରେସଲର ସୁଶୀଲ କୁମାର । ତିହାର ଜେଲରେ ବନ୍ଦୀ ଜୀବନ କାଟୁଥିବା ସୁଶୀଲ କୁମାରଙ୍କୁ ଅନ୍ତରୀଣ ଜାମିନ ପ୍ରଦାନ କରିଛନ୍ତି ଦିଲ୍ଲୀ କୋର୍ଟ । ତାଙ୍କ ପିତାଙ୍କ ଦେହାନ୍ତ ହୋଇଥିବାରୁ ଶେଷକୃତ୍ୟରେ ସାମିଲ ହେବା ପାଇଁ କୋର୍ଟ ତାଙ୍କୁ ଚାରି ଦିନିଆ ଅନ୍ତରୀଣ ଜାମିନ ପ୍ରଦାନ କରିଛନ୍ତି ।
ଏନେଇ ଦିଲ୍ଲୀ କୋର୍ଟର ଆଡସିନାଲ ସେସନ ଜଜ୍ କହିଛନ୍ତି ଯେ, ଅଭିଯୁକ୍ତ ସୁଶୀଲ କୁମାର ବାପାଙ୍କ ମୃତ୍ୟୁ ହୋଇଛି । ଆସନ୍ତାକାଲି ତାଙ୍କର ଶେଷକୃତ୍ୟ କରାଯିବ । ମାନବିକତା ଦୃଷ୍ଟିରୁ ସୁଶୀଲଙ୍କୁ ଅନ୍ତରୀଣ ଜାମିନ ପ୍ରଦାନ କରାଯାଇଛି। ଏକ ଲକ୍ଷ ଟଙ୍କା ମୁଚାଲିକାରେ ମାର୍ଚ୍ଚ 6ରୁ 9 ତାରିଖ ପର୍ଯ୍ୟନ୍ତ ସୁଶିଲ ଜେଲ ବାହାରେ ରହିବେ । ସୁଶୀଲଙ୍କ ସୁରକ୍ଷା ପାଇଁ ପୋଲିସ ନିୟୋଜିତ ହେବେ । ଏହାର ସମସ୍ତ ଖର୍ଚ୍ଚ ତାଙ୍କ ପରିବାର ସଦସ୍ୟ ବହନ କରିବେ।
ଏହା ମଧ୍ୟ ପଢନ୍ତୁ-WPL 2023: MSD ଫ୍ୟାନ୍ କିରଣ ପ୍ରଭୁ, ବ୍ୟାଟ୍ରେ ଲେଖିଲେ ନାଁ ଆଉ ଜର୍ସି ନମ୍ବର
ଜେଲ ନିୟମାବଳୀ ଅନୁଯାୟୀ କୋର୍ଟ କହିଛନ୍ତି ଯେ, 9 ତାରିଖ ସୁଦ୍ଧା ଜମିନ ପ୍ରଦାନ ପାଇଁ ହୋଇଥିବା 1 ଲକ୍ଷ ମୁଚାଲିକାକୁ ସମ୍ପୃକ୍ତ ଜେଲ ଅଧୀକ୍ଷକଙ୍କ ନିକଟରେ ପୈଠ କରାଯିବା ଆବଶ୍ୟକ। ଅନ୍ତରୀଣ ଜାମିନ ଅବଧି ଶେଷ ହେବା ପରେ ମାର୍ଚ୍ଚ 10ରେ ଜେଲ ଅଧୀକ୍ଷକଙ୍କ ନିକଟରେ ସୁଶୀଲ ଆତ୍ମସମର୍ପଣ କରିବା ନେଇ ବିଚାରପତି ନିର୍ଦ୍ଦେଶ ଦେଇଛନ୍ତି । ତେବେ ଅନ୍ତରୀଣ ଜାମିନ ପ୍ରଦାନ ପୂର୍ବରୁ କୋର୍ଟଙ୍କ ତରଫରୁ ଅନେକ ସର୍ତ୍ତ ରଖାଯାଇଥିଲା । ସୁଶିୀ ଜେଲ ବାହାରକୁ ଯିବା ପରେ ଯେମିତି କୌଣସି ଅପରାଧିକ କାର୍ଯ୍ୟକଳାପ ନକରନ୍ତି, ଏଥି ସହ ପ୍ରମାଣ ନଷ୍ଟ ନକରିବା , ତଦନ୍ତକାରୀ ଅଧିକାରୀଙ୍କ ଆବଶ୍ୟକତା ଅନୁଯାୟୀ ଫୋନ୍ର ଲାଇଭ ଲୋକେସନ ସେୟାର କରିବାକୁ କୋର୍ଟ ସର୍ତ୍ତ ରଖିଛନ୍ତି । ଯଦି ଏହି ସର୍ତ୍ତଗୁଡିକୁ ସୁଶିଲ କୁମାର ଉଲ୍ଲଂଘନ କରନ୍ତି ତେବେ ପ୍ରଦାନ କରାଯାଇଥିବା ଜାମିନକୁ ବାତିଲ କରାଯିବ ।
ସୂଚନା ଥାଉକି, ଗତ 23 ମେ 2021ରେ ଛତ୍ରଶାଲ ଷ୍ଟାଡିୟମରେ ସାଗର ଧନକରଙ୍କ ହତ୍ୟା ମାମଲାରେ ଅଲିମ୍ପିଆନ ସୁଶୀଲ କୁମାର ଏବଂ ତାଙ୍କ ସହଯୋଗୀ ଅଜୟ କୁମାରଙ୍କୁ ଗିରଫ କରାଯାଇଥିଲା । ମେ 4 ତାରିଖରେ ସୁଶୀଲ , ତାଙ୍କ ସହଯୋଗୀ ମୃତ ସାଗର ଓ ତାଙ୍କ ସାଥୀଙ୍କୁ ପ୍ରବଳ ମାଡ ମାରିଥିଲେ । ଯେଉଁଥିରେ ସାଗରଙ୍କ ମୃତ୍ୟୁ ହୋଇଥିଲା ।
