ନୂଆଦିଲ୍ଲୀ: କ୍ରୀଡା ମନ୍ତ୍ରଣାଳୟର ଏସଓପି ଅନୁଯାୟୀ, କ୍ରୀଡାବିତଙ୍କ ସୁରକ୍ଷିତ ଅଭ୍ୟାସ ଆରମ୍ଭ ପାଇଁ ଭାରତୀୟ ଅଲମ୍ପିକ ଆସୋସିଏସନର ଅଭିନବ ପୟାସ । ଏକ ବ୍ୟାଟେରୀ ଚାଳିତ ମାସ୍କ ପ୍ରସ୍ତୁତ କରାଯାଇଛି । ଯାହାକୁ ପିନ୍ଧି ବିନା କୋଭିଡ-19 ଭୟରେ ଖେଳାଳିମାନେ ଅଭ୍ୟାସ କରିପାରିବେ ।
ଏହି ମାସ୍କ ବ୍ୟାଟେରୀ ଦ୍ବାରା ଚାଳିତ ଓ ଏଥିରେ ଗୋଟିଏ N95 ଫିଲଟର ସହ ଦୁଇଟି ଫ୍ୟାନ ରହିଛି । ଭାରତୀୟ ଅଲମ୍ପିକ ଆସୋସିଏସନ ସମ୍ପାଦକ ରାଜୀବ ମେହେଟ୍ଟା ଏନେଇ ସୂଚନା ଦେଇଛନ୍ତି ।
ତେବେ ପ୍ରଥମ ପର୍ଯ୍ୟାୟରେ କିଛି ଖେଳାଳିଙ୍କୁ ଏହି ମାସ୍କ ବ୍ୟବହାର ପାଇଁ ଦିଆଯିବ ବୋଲି ଆଇଓଏ ସମ୍ପାଦକ କହିଛନ୍ତି । ମାସ୍କ ବ୍ୟବହାର ପରେ ଫଳାଫଳ ସନ୍ତୋଷ ଜନକ ହେବାପରେ, ଅଲମ୍ପିକ ପ୍ରସ୍ତୁତି କରୁଥିବା ସମସ୍ତ ଖେଳାଳିଙ୍କୁ ଦିଆଯିବ ବୋଲି ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
