କଟକ: ସିଲଭରସିଟି କଟକ ଏବେ ସ୍ପୋର୍ଟସ ସିଟି । ଓଡିଶା ସରକାରଙ୍କର କ୍ରୀଡା ମନ୍ତ୍ରଣାଳୟ ଗୋଟିଏ ପରେ ଗୋଟିଏ ବଡ କ୍ରୀଡା ଇଭେଣ୍ଟ ସଫଳତାର ସହ ଆୟୋଜନ କରୁଛି । ଓଡିଶାରେ ପୂର୍ବରୁ ରାଜ୍ୟଗୋଷ୍ଠୀ ଟେବୁଲଟେନିସ ପ୍ରତିଯୋଗିତା ଇଣ୍ଡୋର ଷ୍ଟାଡିଅମ ସଫଳତାର ସହ ଆୟୋଜିତ ହୋଇଥିଲା । ଘରୋଇ ଦର୍ଶକଙ୍କ ସାମ୍ନାରେ ଭାରତର ପ୍ରଦର୍ଶନ ମଧ୍ୟ ଦମଦାର ରହିଥିଲା ।
ତେବେ ପୁଣି ଏକ ସମ୍ମାନଜନକ ଟୁର୍ଣ୍ଣାମେଣ୍ଟ 46ତମ ଜାତୀୟ ସବ ଜୁନିୟର ବାସ୍କେଟବଲ ଚମ୍ପିଆନସିପ ଇଣ୍ଡୋର ଷ୍ଟାଡିୟମରେ ଖେଳାଯାଉଛି । ଯାହା କ୍ରୀଡା ପ୍ରେମୀଙ୍କ ମନକୁ ବେଶ ଖୁସି ପ୍ରଦାନ କରିଛି ।
ତେବେ ଏହି ପ୍ରତିଯୋଗତାରେ ପ୍ରତିଭାବାନ ଖେଳାଳିଙ୍କୁ ଚୟନ କରାଯିବ । ବିଦେଶରେ ହେବାକୁ ଥିବା ମେଗା ସ୍ପୋର୍ଟସ ଇଭେଣ୍ଟରେ ଖେଳିବାର ସୁଯୋଗ ଦିଆଯିବ । ଏହା କହିଛନ୍ତି ସର୍ବଭାରତୀୟ ବାସ୍କେଟବଲ ସଙ୍ଘ ଚୟନ ଟିମର ଅଧ୍ୟକ୍ଷ ଶକ୍ତି ସିଂହ । ତେବେ ଆଗାମୀ ଦିନରେ ଓଡିଶାରେ ଆହୁରି ଅଧିକ ବାସ୍କେଟବଲ ମ୍ୟାଚ ଆୟୋଜନ କରାଯିବା ନେଇ ଆଲୋଚନା ଚାଲିଛି ବୋଲି କହିଛନ୍ତି ସେ କହିଛନ୍ତି।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
