ନୂଆଦିଲ୍ଲୀ: ଘରକୁ ଫେରିଛନ୍ତି ହକି ଟିମ ଇଣ୍ଡିଆର ଖେଳାଳି । ଲକଡାଉନ ଯୋଗୁଁ ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆର ବେଙ୍ଗାଲୁରୁ କ୍ୟାମ୍ପସରେ ପ୍ରାୟ 3ମାସ ବିତାଇବା ପରେ, ହକି ଇଣ୍ଡିଆ ପକ୍ଷରୁ ଖେଳାଳିଙ୍କୁ ଗୋଟିଏ ମାସର ସମୟ ବିଶ୍ରାମ ପାଇଁ ଦିଆଯାଇଛି । ଫଳରେ ସମସ୍ତ ଖେଳାଳି ଖୁସିର ସହ ଘରକୁ ଯାତ୍ରା କରିଛନ୍ତି ।
ମହିଳା ହକି ଟିମ ଇଣ୍ଡିଆ କ୍ୟାପଟେନ ରାନୀ ହରିୟାଣାର ସାହବାଦ ସ୍ଥିତ ଘରକୁ ଫେରିଥିବାରୁ ବହୁତ ଖୁସି ବୋଲି କହିଛନ୍ତି । ଏଥିସହିତ ହକି ଇଣ୍ଡିଆ ଓ ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆକୁ ଧନ୍ୟବାଦ ଜଣାଇଛନ୍ତି ।
ପୁରୁଷ ଟିମ କ୍ୟାପଟେନ ମନପ୍ରୀତ ସିଂହ ମଧ୍ୟ ମାଆ ଓ ଭାଇଙ୍କୁ ଭେଟିବା ପରେ ଉତ୍ସାହିତ ଥିବା କହିଛନ୍ତି । ଏଥିସହିତ ଦୁଇଟି ପ୍ରିୟର କୁକୁରଙ୍କ ସହ ମଧ୍ୟ ସମୟ ବିତାଇବା ନେଇ ଖୁସି ଅଛନ୍ତି ।
ପୁରୁଷ ଟିମ ଫରୱାର୍ଡ ଖେଳାଳି ମନ୍ଦୀପ ସିଂହ ମଧ୍ୟ ବହୁତ ଖୁସି ଥିବା କହିଛନ୍ତି । ମହିଳା ଟିମ ମିଡ ଫିଲ୍ଡର ନେହା ଗୋୟଲ ସୋନିପତ ସ୍ଥିତ ଘରକୁ ଫେରି ମାଆଙ୍କୁ ଭେଟିବାର ସୁଯୋଗ ପାଇଥିବାରୁ ଖୁସିରେ ଆତ୍ମହରା ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
