ମୋ ବସ୍‌ ଯୋଗେ କଳିଙ୍ଗ ଷ୍ଟାଡିୟମରେ ପହଞ୍ଚିଲେ ଭାରତୀୟ ହକି ଖେଳାଳି

ଶୁକ୍ରବାର ଦିନ ଭାରତୀୟ ଖେଳାଳି କଳିଙ୍ଗ ଷ୍ଟାଡିୟମକୁ ମୋ ବସ୍‌ ଯୋଗେ ପହଞ୍ଚିଥିଲେ । ଷ୍ଟାଡିୟମର 3ନଂ ଗେଟ୍‌ ସମ୍ମୁଖରେ ପହଞ୍ଚିବା ପରେ ମୋ ସାଇକେଲ ଯୋଗେ ହକି ଗ୍ରାଉଣ୍ଡ ଯାଇଥିଲେ ସେମାନେ ।

ଭୁବନେଶ୍ବର: ପୁରୁଷ ହକି ପ୍ରୋ ଲିଗ୍‌ରେ ଶନିବାର ଦିନ ଭାରତ-ବେଲଜିୟମ ମଧ୍ୟରେ ଲଢେଇ ହେବ । ତେବେ ଶୁକ୍ରବାର ଦିନ ଭାରତୀୟ ଖେଳାଳି କଳିଙ୍ଗ ଷ୍ଟାଡିୟମ ଅଭ୍ୟାସ କରିବା ପାଇଁ ଯାଇଥିଲେ । କିନ୍ତୁ ନିଆରା ଢଙ୍ଗରେ ଷ୍ଟାଡିୟମରେ ପହଞ୍ଚିଥିଲେ ଖେଳାଳି ।

ଫଟୋ ସୌଜନ୍ୟ:ଟ୍ବିଟର@CRUT_BBSR

ଖେଳାଳିମାନେ କଳିଙ୍ଗ ଷ୍ଟାଡିୟମ ମୋ ବସ୍‌ରେ ଯାଇଥିଲେ । ସେମାନଙ୍କ ସହ ରହିଥିଲେ ପ୍ରୋ-ଲିଗ୍‌ ଟିକେଟ ବିଜେତା । ଏଥିସହ ଷ୍ଟାଡିୟମର 3ନଂ ଗେଟ୍‌ ସମ୍ମୁଖରେ ପହଞ୍ଚିବା ପରେ ମୋ ସାଇକେଲ ଯୋଗେ ହକି ଗ୍ରାଉଣ୍ଡ ଯାଇଥିଲେ ଭାରତୀୟ ଖେଳାଳି । ଏଥିସହ ମୋ ବସ୍‌ରେ ଖେଳାଳିଙ୍କ ସହ ପ୍ରୋ ଲିଗ୍‌ ଟ୍ରଫି ମଧ୍ୟ ଷ୍ଟାଡିୟମକୁ ଅଣାଯାଇଛି ।