ନୂଆଦିଲ୍ଲୀ: ଶେଷହେଲା 18ଦିନ ଧରି ଚାଲିଥିବା ଫିଟନେସ ଚ୍ୟାଲେଞ୍ଜ । କୋରୋନା ଭାଇରସ ଲକଡାଉନରେ ପ୍ରଭାବିତ ସାଧାରଣ ଲୋକଙ୍କ ପାଇଁ ସହାୟତା ପାଣ୍ଠି ଯୋଗାଡରେ ଲାଗିଥିଲା ଭାରତୀୟ ମହିଳା ହକି ଟିମ । ଶେଷରେ ପ୍ରବାସୀ ଶ୍ରମିକ ଓ ଗରିବ ଲୋକଙ୍କ ପାଇଁ 20 ଲକ୍ଷ ଟଙ୍କାର ପାଣ୍ଠି ଯୋଗାଡ କରିଛି ଟିମ ।
ପ୍ରାୟ 1000 ପରିବାରରେ ଏହି ସହାୟତା ଅର୍ଥରାଶି ପ୍ରଦାନ କରାଯିବାପାଇଁ ଲକ୍ଷ୍ୟ ରହିଛି । ଏପ୍ରିଲ 17ରୁ ମେ 3 ପର୍ଯ୍ୟନ୍ତ ମହିଳା ହକି ଟିମର ଖେଳାଳି ଫିଟନେସ ଚ୍ୟାଲେଞ୍ଜରେ ଭାଗ ନେବାପାଇଁ ଅପିଲ କରିଥିଲେ ।
ଭାରତୀୟ ମହିଳା ହକି ଟିମ ପକ୍ଷରୁ କ୍ୟାପଟେନ ରାନୀ ସମସ୍ତ ଅଂଶଗ୍ରହଣକାରୀଙ୍କୁ ଧନ୍ୟବାଦ ଜଣାଇଛନ୍ତି । ଏହି ଫିଟନେସ ଚ୍ୟାଲେଞ୍ଜରେ ପ୍ରତ୍ୟକ ଦିନ ଜଣେ ଖେଳାଳି ଗୋଟିଏ ନୂଆ ଫିଟନେସ ଚ୍ୟାଲେଞ୍ଜ ଦେବାସହ, ସୋସିଆଲ ମିଡିଆରେ 10ଜଣ ବନ୍ଧୁଙ୍କୁ ଏହି ଚ୍ୟାଲେଞ୍ଜକୁ ଆଗକୁ ନେବାପାଇଁ ଟ୍ୟାଗ କରିଥିଲେ ।
