ହିରୋସିମା: ଆଜି FIH ମହିଳା ସିରିଜ ଫାଇନାଲ୍ସରେ ଭାରତୀୟ ମହିଳା ଦଳର ଅଭିଯାନ ଆରମ୍ଭ ହେବାକୁ ଯାଉଛି । ଭାରତୀୟ ପୁରୁଷ ଦଳ ଆଜି ଫାଇନାଲ୍ସର ଫାଇନାଲ ପରୀକ୍ଷା ଦେଉଥିବା ବେଳେ ଉରୁଗୁଆକୁ ପୁଲ-ଏ ର ପ୍ରଥମ ମ୍ୟାଚରେ ଭେଟିବାକୁ ଯାଉଛି ଭାରତୀୟ ମହିଳା ଦଳ ।
ଜାପାନର ହିରୋସିମାଠାରେ ଏହି ମ୍ୟାଚ ଖେଳାଯିବା । ନୂଆ ଜର୍ସି ସହ ଭାରତୀୟ ଦଳ ନିଜର ଯାତ୍ରା ଆରମ୍ଭ କରିବ । ତେବେ ଏନେଇ ଟ୍ବିଟ କରି ଜଣାଇଛନ୍ତି ମହିଳା ଦଳର ଅଧିନାୟିକା ରାଣୀ ରାମପାଲ । ତାଙ୍କ ନେତୃତ୍ବରେ ପଡିଆକୁ ଓହ୍ଲାଇବାକୁ ଯାଉଛି ଭାରତୀୟ ମହିଳା ଗ୍ୟାଙ୍କ । ତେବେ 2020 ଟୋକିଓ ଅଲମ୍ପିକ ପାଇଁ ଯୋଗ୍ୟତା ପର୍ଯ୍ୟାୟର ଏହି ମ୍ୟାଚରେ ଭାରତୀୟ ଦଳ କିପରି ପ୍ରଦର୍ଶନ କରୁଛି ଏହା ଉପରେ ସମସ୍ତଙ୍କ ନଜର ।
