ଲଣ୍ଡନ: ଦେଶର ସମସ୍ତ ପ୍ରଫେସନାଲ୍ କ୍ଲବ ଫୁଟବଲ କାର୍ଯ୍ୟକଳାପକୁ ଏପ୍ରିଲ 3 ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଏନେଇ ଇଂଲଣ୍ଡ ଫୁଟବଲ ଆସୋସିଏସନ (ଏଫଏ) ଶୁକ୍ରବାର ଘୋଷଣା କରିଛି । ଏଥିରେ ହାଇ-ପ୍ରୋଫାଇଲ୍ ପ୍ରିମିୟର ଲିଗ୍, ଫୁଟବଲ୍ ଲିଗ୍ ଏବଂ ଏଫ୍ ଓମେନ୍ସ ସୁପର ଲିଗ୍ ଏବଂ ଏଫ୍ ଓମେନ୍ସ ଚମ୍ପିଆନସିପ୍ ଆଦି ଅନ୍ତର୍ଭୁକ୍ତ ରହିଛି |
ଏଥିସହିତ କପ୍ ପ୍ରତିଯୋଗିତା ଯେପରିକି, ଏଫ୍ କପ୍ ଏବଂ ଜୁନିୟର ପ୍ରତିଯୋଗିତା ସହିତ ମହିଳା ଏଫ୍ କପ୍ ଟୁର୍ଣ୍ଣାମେଣ୍ଟକୁ ମଧ୍ୟ ଏପ୍ରିଲ 3 ପର୍ଯ୍ୟନ୍ତ ସ୍ଥଗିତ ରଖାଯାଇଛି । ତେବେ ଏହି ସମସ୍ତ ନିଷ୍ପତ୍ତି ବିଶ୍ବରେ ବ୍ୟାପୁଥିବା କୋରୋନା ଭାଇରସର ପ୍ରଭାବ ବୋଲି ଇଂଲଣ୍ଡ ଫୁଟବଲ ଆସୋସିଏସନ (ଏଫଏ) ପ୍ରକାଶ କରିଛି ।
