ଭୁବନେଶ୍ବର: ଇଣ୍ଡିଆନ ସୁପର ଲିଗର ସପ୍ତମ ସଂସ୍କରଣ ପୂର୍ବରୁ ଗୋଲକିପର ରବି କୁମାରଙ୍କୁ ସାଇନ କରିଥିବା ନେଇ ସୋମବାର ଓଡ଼ିଶା ଏଫସି ଘୋଷଣା କରିଛି ।
ଦୁଇବର୍ଷ ପାଇଁ ଉତ୍ତର ପ୍ରଦେଶର ଏହି ଖେଳାଳିଙ୍କୁ ଓଡ଼ିଶା ଏଫସି ସାଇନ କରିଥିବା ସୂଚନା ରହିଛି । ଇଣ୍ଡିଆନ ଏରୋସ ଓ ସ୍ପୋର୍ଟିଂ କ୍ଲବ ଡି ଗୋଆ ପାଇଁ ଖେଳିବା ପରେ ଆଇଏସଏଲର ଦ୍ବିତୀୟ ସଂସ୍କରଣରେ ସେ ଦିଲ୍ଲୀ ଡାଇନାମୋସ ପାଇଁ ଚୟନ ହୋଇଥିଲେ ।
ସେ ଲିଗରେ ନର୍ଥଇଷ୍ଟ ୟୁନାଇଟେଡ ଓ ମୁମ୍ବାଇ ସିଟି ଏଫସି ପାଇଁ ଯଥାକ୍ରମେ ବର୍ଷ 2017-18 ଓ 2018-19ର ସିଜନରେ ଖେଳିଥିଲେ । ଏହାସହ 26 ବର୍ଷୀୟ ଗୋଲକିପର କ୍ୟାରିଅର ଆରମ୍ଭରୁ ମିନର୍ଭା ପଞ୍ଜାବ ପାଇଁ ମଧ୍ୟ ଖେଳିଛନ୍ତି ।
ତେବେ ଓଡ଼ିଶା ଏଫସି ସହ ସାଇନ କରିବା ପରେ ଖୁସି ବ୍ୟକ୍ତ କରି ରବି କହିଛନ୍ତି ଯେ, ‘‘ମୁଁ ଓଡ଼ିଶା ଏଫସିରେ ଯୋଗ ଦେବା ପାଇଁ ଖୁବ ଉତ୍ସାହିତ ଅଛି, ଆଶା କରୁଛି କ୍ଲବକୁ ମୁଁ ଟାଇଟଲ ପାଇଁ ପ୍ରତିଦ୍ବନ୍ଦ୍ବିତା କରିବାରେ ଓ ଟ୍ରଫି ଜିତିବାରେ ସହାୟକ ହେବି । ‘ଆମ ଟିମ’ ପାଇଁ ଶୀଘ୍ର ଖେଳିବାକୁ ଆଶାବାଦୀ ରହିଛି ।’’
@IANS
