ବାଲେରିକ(ସ୍ପେନ): ବାର୍ସେଲୋନାର ଷ୍ଟାର ଷ୍ଟ୍ରାଇକର ଲିଓନେଲ ମେସି ସମ୍ପୂର୍ଣ୍ଣ ସୁସ୍ଥ । ମଲୋରକା ବିପକ୍ଷ ବାର୍ସେଲୋନାର ଆଗାମୀ ମ୍ୟାଚରେ ମେସି ନଜର ଆସିବେ । ଏନେଇ ସ୍ପଷ୍ଟ କରିଛନ୍ତି ମୁଖ୍ୟ କୋଚ କ୍ବିକ୍ବି ସେଟିଏନ ।
"ମେସି ଆହତ ସମସ୍ୟାରୁ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି । ପୂର୍ଣ୍ଣମାତ୍ରାରେ ଅଭ୍ୟାସ ମଧ୍ୟ ସାରିଛନ୍ତି । ଆଗାମୀ ମ୍ୟାଚରେ ଖେଳିବାନେଇ କୌଣସି ଅସୁବିଧା ନାହିଁ ।" ପ୍ରି-ମ୍ୟାଚ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ବାର୍ସେଲୋନା କୋଚ ।
ଚଳିତ ସିଜିନରେ 14ଟି ଗୋଲ କରିଛନ୍ତି ମେସି । ମାତ୍ର ଜାନୁଆରୀ 9 ପରେ ଆହତ ଯୋଗୁଁ ଫୁଟବଲରୁ ଦୂରରେ ରହିଥିଲେ ମେସି । ଜୁନ 14ରେ ବାର୍ସେଲୋନା ଓ ମଲୋରକା ମଧ୍ୟରେ ହାଇଭୋଲଟେଜ ମୁକାବିଲା ହେବ ।
