ମୁମ୍ବାଇ: ଚଳିତ ଇଣ୍ଡିଆନ ସୁପର ଲିଗରେ ପ୍ରଥମ ବିଜୟର ସ୍ବାଦ ଚାଖିଛି ଡେବ୍ୟୁ ଟିମ ଓଡିଶା FC । ମୁମ୍ବାଇ ସିଟିକୁ 4-2 ଗୋଲରେ ହରାଇ ଦମଦାର ଖେଳ ପ୍ରଦର୍ଶନ କରିଛି । ତେବେ ଏହାପୂର୍ବରୁ ଓଡିଶା FC ଜାମଶେଦପୁର FC ଓ ନର୍ଥଇଷ୍ଟ ୟୁନାଇଟେଡFC ଠାରୁ ପରାଜିତ ହୋଇଥିଲା ।
ତେବେ ମୁ୍ମ୍ବାଇ ବିପକ୍ଷ ମ୍ୟାଚରେ ଆକ୍ରମଣାତ୍ମକ ଢଙ୍ଗରେ ଓଡିଶା FC ଖେଳିଥିଲା । ମ୍ୟାଚର ଷଷ୍ଠ ମିନିଟରେ ହିଁ ପ୍ରଥମ ଗୋଲ ଦେଇ ଦଳ 1-0ରେ ଆଗୁଆ ହୋଇଥିଲା । ଏକଦା 3-0 ଗୋଲ ସହ ମ୍ୟାଚରେ ଓଡିଶା FC ସଂପୂର୍ଣ୍ଣ ପ୍ରଭାବ ବିସ୍ତାର କରିଥିଲା । ପରେ 21 ତମ ମିନିଟରେ 2ୟ, 41 ମିନିଟରେ 3ୟ ଓ 73ତମ ମିନିଟରେ 4ର୍ଥ ଗୋଲ କରିଥିଲା । ପ୍ରଥମ ଗୋଲ ହର୍ଣ୍ଣାଣ୍ଡେଜ ଦେଇଥିବା ବେଳେ ସାନ୍ତାନା 2ଟି ଗୋଲ କରିଥିଲେ । ମାୱମିଙ୍ଗଥାଙ୍ଗା ଗୋଟିଏ ଦେଇଥିଲେ ।
