ଭୁବନେଶ୍ବର: ଇଣ୍ଡିଆନ ସୁପର ଲିଗ୍(ISL)ର ଆଗାମୀ ସଂସ୍କରଣ ପୂର୍ବରୁ ନୂଆ ଗୋଲ୍କିପର କୋଚ୍ ନିଯୁକ୍ତ କରିଛି ଓଡିଶା ଏଫସି । ମନୁ ପାଟ୍ରିକିଓଙ୍କୁ ଗୋଲ୍କିପର କୋଚ୍ ନିଯୁକ୍ତ ହୋଇଛନ୍ତି ।
ବୁଏନସ ଏଇରେସରେ ଜନ୍ମିତ ମନୁ ନିଜ ଖେଳ କ୍ୟାରିୟରରେ ରିଅଲ ସୋସିଏଦାଦ ଓ ଓସସୁନା ପକ୍ଷରୁ ପ୍ରତିନିଧିତ୍ବ କରିବା ସହ ଗୋଲକିପର୍ ମଧ୍ୟ ରହିଛନ୍ତି ।
ଓଡିଶା ଏଫସିରେ ସାମିଲ ହେବାନେଇ ମନୁ କହିଛନ୍ତି, "ବହୁତ ଉତ୍ସାହିତ ଅଛି, ଏହା ସମ୍ମାନର କଥା । ଜଣେ ଗୋଲ୍ କିପର କୋଚ୍ ଭାବେ ଓଡିଶା ଏଫସି ସହିତ ସମସ୍ତ ଅଭିଜ୍ଞତା ଓ ଜ୍ଞାନକୁ ସେୟାର କରିବି ।"
ପୂର୍ବତନ ଓଡିଶା ଏଫସି ଗୋଲକିପର କୋଚ୍ ଜାକିନ ଭଲେରିଓ ଓଲିଭେରା ବ୍ୟକ୍ତିଗତ କାରଣ ଦର୍ଶାଇ ପଦ ଛାଡିଥିଲେ । ଚଳିତ ସପ୍ତାହରେ ଓଡିଶା ଏଫସି ଟୁର୍ଣ୍ଣାମେଣ୍ଟ ପାଇଁ ଅଫିସିଆଲ ସ୍କ୍ବାଡ୍ ଘୋଷଣା କରିସାରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
