ମୁମ୍ବାଇ: ଆଇଏସ୍ଏଲ୍ ସିଜନର 6ଷ୍ଠ ସଂସ୍କରଣରେ ପ୍ରଥମ ଥର ପାଇଁ ଓଡିଶା ଏଫ୍ସି ଟିମ ଖେଳୁଛି । ତେବେ ଏହି ସିଜନରେ ଓଡିଶା ଆଜି 3ୟ ମ୍ୟାଚ ମୁମ୍ବାଇ ସିଟି ବିପକ୍ଷରେ ଖେଳିବ । କ୍ରମାଗତ ଭାବେ ପରାଜୟର ସାମ୍ନା କରୁଥିବା ଓଡିଶା ଏଫ୍ସି ପ୍ରଥମ ବିଜୟଲକ୍ଷ୍ୟରେ ଗ୍ରାଉଣ୍ଡକୁ ଓହ୍ଲାଇବ । ତେବେ ମ୍ୟାଚଟି ଆଜି ସନ୍ଧ୍ୟା 7.30ମିନିଟ୍ରେ ମୁମ୍ବାଇ ଫୁଟବଲ ଏରିନା ଷ୍ଟାଡିୟମରେ ଖେଳାଯିବ ।
ସୂଚନାନୁସାରେ ଏହି ସିଜନରେ ଓଡିଶା ଏଫ୍ସି ପ୍ରଥମ ମ୍ୟାଚ ଜାମସେଦପୁର ଏଫସି ଠାରୁ 2-1ଗୋଲ୍ରେ ପରାସ୍ତ ହୋଇଥିଲା । ଏହାପରେ ନର୍ଥ ଇଷ୍ଟ ୟୁନାଇଟେଡ୍ ଏସ୍ଫି ଠାରୁ ମଧ୍ୟ 2-1ଗୋଲ୍ରେ ଓଡିଶାକୁ ପରାଜୟର ସାମ୍ନା କରିବା ପଡିଥିଲା ।
ଓଡିଶା ବିପକ୍ଷରେ ଗ୍ରାଉଣ୍ଡକୁ ଓହ୍ଲାଉଥିବା ମୁମ୍ବାଇ ସିଟି ଏହି ସିଜନରେ 2ଟି ମ୍ୟାଚ ଖେଳିସାରିଛି । ତେବେ ପ୍ରଥମ ମ୍ୟାଚରେ କେରଳ ବ୍ଲାଷ୍ଟର୍ସକୁ 1-0 ଗୋଲ୍ରେ ମ୍ୟାଚକୁ ନିଜ ନାଁରେ କରିଥିଲା । ମୁମ୍ବାଇ 2ୟ ମ୍ୟାଚରେ ଚେନ୍ନାଇନ ଏଫ୍ସି ସହ କଡା ମୁକାବିଲା କରି ମ୍ୟାଚକୁ 0-0 ଗୋଲ୍ରେ ଡ୍ର ରଖିଥିଲା ।
ତେବେ ମୁମ୍ବାଇ ସିଟି ପଏଣ୍ଟ ଟେବୁଲ୍ରେ 5ମ ସ୍ଥାନରେ ରହିଥିବାବେଳେ ଓଡିଶା ଏଫ୍ସି 9ମ ସ୍ଥାନରେ ରହିଛି ।
