ନୂଆଦିଲ୍ଲୀ: ପ୍ରକାଶ ପାଇଛି FIFA ବିଶ୍ବ ମାନ୍ୟତା । ଗୁରୁବାର ପ୍ରକାଶିତ ସଦ୍ୟତମ ମାନ୍ୟତାରେ ଭାରତୀୟ ପୁରୁଷ ଫୁଟବଲ ଟିମ ନିଜର 105ତମ ସ୍ଥାନକୁ ବଳବତ୍ତର ରଖିପାରିଛି ।
ମହିଳା ବର୍ଗରେ ଭାରତୀୟ ଟିମ ଗତ ମାସର ମାନ୍ୟତା ତୁଳନାରେ 4ଟି ସ୍ଥାନ ତଳକୁ ଖସି 57ତମ ସ୍ଥାନରେ ରହିଛି ।
ଅନ୍ତର୍ଜାତୀୟ ଫୁଟବଲ ପାଇଁ ଏହା ଏକ ନୀରବ ସମୟ । ଏହା ମଧ୍ୟ ସଦ୍ୟତମ ବିଶ୍ବ ପୁରୁଷ ଫୁଟବଲ ମାନ୍ୟତାରେ ପ୍ରତିଫଳିତ ହୋଇଛି ।
ଗତଥର ପ୍ରକାଶିତ ହୋଇଥିବା ମାନ୍ୟତା ପରେ ମାତ୍ର ଗୋଟିଏ ମ୍ୟାଚ୍ ଖେଳାଯାଇଛି । ଉକ୍ରେନ ଓ ବାହରିନ ମଧ୍ୟରେ ଖେଳାଯାଇଥିବା ମ୍ୟାଚ 1-1ରେ ଅମୀମାଂଶିତ ଭାବେ ଶେଷ ହୋଇଥିଲା । ମାନ୍ୟତାରେ ଶୀର୍ଷ 50 ସ୍ଥାନରେ ଥିବା ଦେଶ ଅପରିବର୍ତ୍ତିତ ରହିଛନ୍ତି । ବେଲଜିୟମ ଶୀର୍ଷରେ ଥିବାବେଳେ, ଫ୍ରାନ୍ସ ଓ ବ୍ରାଜିଲ ଯଥାକ୍ରମେ ଦ୍ବିତୀୟ ଓ ତୃତୀୟ ସ୍ଥାନରେ ରହିଛନ୍ତି । ପୁରୁଷ ବର୍ଗରେ ପରେ ଇଂଲଣ୍ଡ ଓ ପର୍ତ୍ତୁଗାଲ ରହିଛନ୍ତି ।
ମହିଳା ବର୍ଗରେ ଆମେରିକା ପ୍ରଥମ ସ୍ଥାନରେ ରହିଛି, ପରେ ଜର୍ମାନୀ, ନେଦରଲାଣ୍ଡସ, ଫ୍ରାନ୍ସ ଓ ସ୍ବିଡେନ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
