କଟକ: ଏକ ସଫଳ ଟୁର୍ଣ୍ଣାମେଣ୍ଟର ମୁଖସାକ୍ଷୀ ରହିଲା ଐତିହାସିକ ରେଭେନ୍ସା ଗ୍ରାଉଣ୍ଡ । ସୁରୁଖୁରରେ ଶେଷ ହେଲା ଇଷ୍ଟ ଜୋନ ଇଣ୍ଟର ୟୁନିଭରସିଟି ଫୁଟବଲ ପ୍ରତିଯୋଗିତା । ଦୀର୍ଘ 6 ଦିନ ବ୍ୟାପି ରେଭେନ୍ସା ବିଶ୍ବବିଦ୍ୟାଳୟ ଗ୍ରାଉଣ୍ଡରେ ଚାଲିଥିବା ଏହି ପ୍ରତିଯୋଗିତା ଶୁକ୍ରବାର ଶେଷ ହୋଇଛି । ଫାଇନାଲ ମ୍ୟାଚରେ ବିଜୟ ହୋଇଛି ସମ୍ବଲପୁର ୟୁନିଭରସିଟି । ବିପକ୍ଷ କୋଲକାତା ୟୁନିଭରସିଟିକୁ 3-0 ଗୋଲରେ ପରାସ୍ତ କରି ଟୁର୍ଣ୍ଣାମେଣ୍ଟ ଟ୍ରଫି ଟେକିଛି ।
ରେଭେନ୍ସା ବିଶ୍ବବିଦ୍ୟାଳୟ
ପ୍ରତିଯୋଗିତାରେ କ୍ରୀଡାମନ୍ତ୍ରୀ ତୁଷାରକାନ୍ତୀ ବେହେରା ମୁଖ୍ୟ ଅତିଥି ଭାବେ ଯୋଗଦେଇ କୃତି ଟିମକୁ ପୁରସ୍କାର ପ୍ରଦାନ କରିଛନ୍ତି । କିପରି ଆଗକୁ ଯାଇ କ୍ରୀଡା ଦିଗରେ ନିଜର ପ୍ରତିଭା ପ୍ରଦର୍ଶନ କରିହେବ ସେଥିପାଇଁ ଖେଳାଳିମାନଙ୍କୁ ଉତ୍ସାହିତ କରିଛନ୍ତି । ତେବେ ପ୍ରତିଯୋଗିତାରେ ମୋଟ 60ଟି ୟୁନିଭରସିଟି ଭାଗ ନେଇଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
