କୋଲକାତା: ଇଂଲଣ୍ଡର ପୂର୍ବତନ ଅନ୍ତର୍ଜାତୀୟ ଫୁଟବଲ ଖେଳାଳି ତଥା ଲିଭରପୁଲ କିମ୍ବଦନ୍ତୀ ରୋବି ଫୋଓଲଙ୍କୁ ମୁଖ୍ୟ କୋଚ ନିଯୁକ୍ତ କରିଛି ଇଷ୍ଟ ବେଙ୍ଗଲ ।
ଦୁଇ ବରଷ ପାଇଁ ଏହି ଚୁକ୍ତି ହୋଇଛି । ଶୁକ୍ରବାର ଟିମର ପ୍ରିନ୍ସପାଲ ହାରୀ ମୋହନ ବାଙ୍ଗୁର ଏନେଇ ଘୋଷଣା କରିଛନ୍ତି ।
"ଗତ ରାତିରେ(ଗୁରୁବାର) ଚୁକ୍ତି ହୋଇଛି, ଓ ଗୋଟିଏ ସପ୍ତାହ ମଧ୍ୟରେ ରୋବି ଫୋଓଲ ସିଧାସଳଖ ଗୋଆରେ ଟିମ ସହ ସାମିଲ ହେବେ ।" ଗଣମାଧ୍ୟମକୁ ଏହି ସୂଚନା ଦେଇଛନ୍ତି ବାଙ୍ଗୁର ।
ଇଷ୍ଟ ବେଙ୍ଗଲ ଗତ ମାସରେ ଇଣ୍ଡିଆନ ସୁପର ଲିଗରେ ସାମିଲ ହୋଇଛି । ନଭେମ୍ବରରୁ ଭାରତର ଶ୍ରେଷ୍ଠ ଫୁଟବଲ ଲିଗ ଆଇଏସଏଲର 7ମ ସଂସ୍କରଣ ବିନା ଦର୍ଶକରେ ଖାଲି ଷ୍ଟାଡିୟମରେ ଖେଳାଯିବ । ନଭେମ୍ବର 3ୟ ସପ୍ତାହରୁ ଗୋଆରେ ଏହି ହାଇପ୍ରୋଫାଇଲ ଟୁର୍ଣ୍ଣାମେଣ୍ଟ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
