ହାଇଦ୍ରାବାଦ: ନେଦରଲାଣ୍ଡ ଫୁଟବଲ ଟିମର କୋଚ ରୋନାଲ୍ଡ କୋଏମନ ଅସୁସ୍ଥ । ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡିଛି ।
57 ବର୍ଷିୟ କୋଏମନଙ୍କୁ ତାଙ୍କ ଘରୁ ଏକ ଆମ୍ବୁଲାନ୍ସ ଯୋଗେ ହସ୍ପିଟାଲ ନିଆଯାଇଛି । ତେବେ ତାଙ୍କର ସ୍ବାସ୍ଥ୍ୟବସ୍ଥା ସ୍ଥିର ଥିବା ପତ୍ନୀ ବାର୍ଟିନା ସୂଚନା ଦେଇଛନ୍ତି । ଏଥିସହିତ ସେ ଖୁବଶୀଘ୍ର ହସ୍ପିଟାଲରୁ ଘରକୁ ଫେରିବେ ବୋଲି କହିଛନ୍ତି ।
କୋଏମନ ନେଦରଲାଣ୍ଡର କୋଚ ଭାବେ ଦୁଇବର୍ଷ ପୂର୍ବରୁ ଦାୟିତ୍ବ ଗ୍ରହଣ କରିଥିଲେ । ମାତ୍ର ଦୁଇ ବର୍ଷ ମଧ୍ୟରେ ତାଙ୍କର ପ୍ରଶିକ୍ଷଣରେ ନେଦରଲାଣ୍ଡ ୟୁରୋ 2020 ପାଇଁ ଯୋଗ୍ୟତା ଅର୍ଜନ କରିପାରିଛି । ତେବେ ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ଏହି ଟୁର୍ଣ୍ଣାମେଣ୍ଟ ସ୍ଥଗିତା ରହିଛି ।
