କୋଲକାତା: ଚଳିତ ଦୁରନ୍ଦ କପ୍ରେ ବିଜୟରୁ ଅଭିଯାନ ଆରମ୍ଭ କଲା ହାଇଦ୍ରାବାଦ ଏଫସି । ଆସାମ ରାଇଫଲ ଫୁଟବଲ ଟିମ ବିପକ୍ଷରେ ରବିବାର ୫-୦ ବିଜୟ ହାସଲ କରିଛି ହାଇଦ୍ରାବାଦ ।
ଲାଲଚୁଙ୍ଗନୁଙ୍ଗା ଚଙ୍ଗଟେ ମ୍ୟାଚର ୧୮ ଓ ୮୯ତମ ମିନିଟରେ ଗୋଲ୍ ସ୍କୋର କରିବା ସହ ହାଇଦ୍ରାବାଦ ବିଜୟର ପ୍ରମୁଖ ସୂତ୍ରଧର ରହିଥିଲେ । ଅବଦୁଲ ରବିହ ମ୍ୟାଚର ସପ୍ତମ, ରୋହଲୁପୁଇଆ ୨୧ ଓ ଅରୁଣ କାବ୍ରାବାମ ୨୭ତମ ମିନିଟରେ ସ୍କୋର କରି କ୍ଳବକୁ ବଡ ବିଜୟ ଦେଇଥିଲେ ।
ଏହି ବିଜୟ ସହ ହାଇଦ୍ରାବାଦ ଗୁରୁତ୍ବପୂର୍ଣ୍ଣ ୩ ପଏଣ୍ଟ ହାସଲ କରି ହାଇଦ୍ରାବାଦ FC ଗ୍ରୁପ ଡି'ର ଦ୍ବିତୀୟ ସ୍ଥାନରେ ପହଞ୍ଚିଯାଇଛି । ପ୍ରଥମ ସ୍ଥାନରେ ଦୁଇଟି ମ୍ୟାଚରୁ ୪ ପଏଣ୍ଟ ସହ ଆର୍ମୀ ରେଡ୍ ରହିଛି । ଗୋକୁଲାମ କେରଳ FC ସହ ୨-୨ରେ ମ୍ୟାଚ ଡ୍ର ରଖିଥିଲା ଆର୍ମୀ ରେଡ୍ ।
ବ୍ୟୁରୋ ରିପୋର୍ଟ, ଇଟିଭି ଭାରତ
