ତୁରିନ: ପର୍ତ୍ତୁଗୀଜ ଷ୍ଟ୍ରାଇକର ତଥା ଫୁଟବଲ ଷ୍ଟାର କ୍ରୀଷ୍ଟିଆନୋ ରୋନାଲ୍ଡୋ ଜୁଭେଣ୍ଟସର ମୋଷ୍ଟ ଭାଲ୍ୟୁଏବୁଲ ପ୍ଲେଆର(MVP) ଅଫ ଦ ଇୟର ହୋଇଛନ୍ତି । ମୋଟ 37 ଗୋଲ ସହ ରୋନାଲ୍ଡୋ 2019-20 ସିଜିନ ଶେଷ କରିଥିଲେ । ଏଥିସହିତ ଗୋଟିଏ ସିଜିନରେ ସର୍ବାଧିକ ଗୋଲର ରେକର୍ଡ ମଧ୍ୟ ଭଙ୍ଗ କରିଥିଲେ ।
ପୂର୍ବରୁ ଏହି ରେକର୍ଡ 80 ବର୍ଷ ଧରି କ୍ଳବ କିମ୍ବଦନ୍ତୀ ଫେଲିସ ବୋରେଲଙ୍କ ନାମରେ ରହିଥିଲା । ବର୍ଷ 1933-34ରେ ସିରିଏ ଏ ଟୁର୍ଣ୍ଣାମେଣ୍ଟରେ ମୋଟ 36 ଟି ଗୋଲ କରି ରେକର୍ଡ କରିଥିଲେ ।
ତେବେ ଜୁଭେଣ୍ଟସ 2019-20 ସିରିଏ ଏ ସିଜିନରେ 83 ପଏଣ୍ଟ ହାସଲ କରିଥିଲା । ଏହା କ୍ଳବର ଗତ ଦଶନ୍ଧିର ସର୍ବନିମ୍ନ ପଏଣ୍ଟ । ଇଟାଲିୟନ ସୁପର କପ ଓ କୋପା ଇଟାଲିୟା ଫାଇନାଲରେ ପରାସ୍ତ ମଧ୍ୟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
