ବେଙ୍ଗଲୁରୁ: ଭାରତୀୟ ଫୁଟବଲ ଦଳର ଅଧିନାୟକ ସୁନୀଲ ଛେତ୍ରୀ ଶୁକ୍ରବାର ପ୍ରକାଶ କରିଛନ୍ତି, ସେ କ୍ୟାରୋମରେ ଷ୍ଟାର ଫୁଟବଲର ଲିଓନେଲ ମେସି ଏବଂ କ୍ରିଷ୍ଟିଆନୋ ରୋନାଲ୍ଡୋଙ୍କୁ ପରାସ୍ତ କରିପାରିବେ ।
"ଫୁଟବଲକୁ ବାଦ ଦେଇ ଆପଣ କ୍ରିଷ୍ଟିଆନୋ ରୋନାଲଡୋ ଏବଂ ମେସିଙ୍କୁ କ’ଣ ପରାସ୍ତ କରିପାରିବେ?" ବୋଲି ଟ୍ବିଟରରେ ଏହି ମଜାଦାର ପ୍ରଶ୍ନ ଛେତ୍ରୀଙ୍କୁ ପଚରାଯାଇଥିଲା । ରେକର୍ଡ ଭାରତୀୟ ଗୋଲ ସ୍କୋରର ଉତ୍ତର ଦେଇ କହିଛନ୍ତି: "ମୁଁ ଅନୁମାନ କରୁଛି ଯେ ସେମାନେ କ୍ୟାରୋମ ଖେଳରେ ଦୁର୍ବଳ ଥାଇ ପାରନ୍ତି । ତେଣୁ ମୁଁ ଭାବୁଛି ମୁଁ ଏଥିରେ ଉଭୟଙ୍କୁ ପରାସ୍ତ କରିପାରିବି।"
ସମସ୍ତ ସକ୍ରିୟ ଆନ୍ତର୍ଜାତୀୟ ଫୁଟବଲର୍ସ ମାନଙ୍କ ମଧ୍ୟରେ କ୍ରିଷ୍ଟିଆନୋ ରୋନାଲ୍ଡୋ (99) ପରେ 72 ଗୋଲ ଦେଇ 2ୟ ସର୍ବାଧିକ ଗୋଲ ସ୍କୋରର ଅଟନ୍ତି ଛେତ୍ରୀ । 70 ଗୋଲ ଦେଇ ମେସି ତୃତୀୟ ସ୍ଥାନରେ ରହିଛନ୍ତି ।
