ଫାଇନାଲରେ ଗଡବଡ: କୋଚଙ୍କ ନିଷ୍ପତ୍ତିକୁ ଗୋଲକିପରଙ୍କ ନା

ଫୁଟବଲ ପଡିଆରେ ଅଜବ ଦୃଶ୍ୟ । କୋଚଙ୍କ ନିର୍ଦ୍ଦେଶକୁ ଖେଳାଳିଙ୍କ ବେଖାତିର । ଲଣ୍ଡନରେ ଏକ ଫୁଟବଲ ମ୍ୟାଚରେ ଦେଖିବାକୁ ମିଳିଛି ଏପରି ଦୃଶ୍ୟ ।

ଲଣ୍ଡନ: ୱେମ୍ବଲିରେ ଚାଲିଥିବା କରବାଓ କପରେ ଦେଖିବାକୁ ମିଳିଛି ଏକ ଅଜବ ଦୃଶ୍ୟ । ଏଠାରେ ଚେଲସା ଓ ମାଞ୍ଚେଷ୍ଟର ସିଟି ମଧ୍ୟରେ ଫାଇନାଲ ମ୍ୟାଚ ଚାଲିଥିଲା । ତେବେ ଏହି ସମୟରେ ଚେଲସା ଗୋଲକିପର ଏବଂ କୋଚଙ୍କ ମଧ୍ୟରେ ଖୁଲମଖୁଲା ମତଭେଦ ଦେଖିବାକୁ ମିଳିଥିଲା ।

• Kepa Arrizabalaga loses his first game as Chelsea manager🤣🤣🤣🤣🤣#CHEMCI #CarabaoCupFinal #Cityzens #chelseamancity pic.twitter.com/afmRzZIoh9

  — IamDrack 🇳🇬🇳🇬 (@001Drackinfo) February 24, 2019 " class="align-text-top noRightClick twitterSection" data="

  Kepa Arrizabalaga loses his first game as Chelsea manager🤣🤣🤣🤣🤣#CHEMCI #CarabaoCupFinal #Cityzens #chelseamancity pic.twitter.com/afmRzZIoh9

  — IamDrack 🇳🇬🇳🇬 (@001Drackinfo) February 24, 2019

  ">

  Kepa Arrizabalaga loses his first game as Chelsea manager🤣🤣🤣🤣🤣#CHEMCI #CarabaoCupFinal #Cityzens #chelseamancity pic.twitter.com/afmRzZIoh9

  — IamDrack 🇳🇬🇳🇬 (@001Drackinfo) February 24, 2019

ରିପୋର୍ଟ ଅନୁସାରେ ଚେଲସା ଏହି ମ୍ୟାଚ ହାରିଯାଇଥିଲା ଏବଂ ମାଞ୍ଚେଷ୍ଟର ସିଟି ଟାଇଟେଲ ହାସଲ କରିଥିଲା । ତେବେ ମ୍ୟାଚର ଅତିରିକ୍ତ ସମୟରେ ପେନାଲଟି ସୁଟଆଉଟ ହୋଇଥିଲା । ଯେଉଁଥିରେ ଚେଲସା କୋଚ ମୌରିଜିଓ ସାରି ରିଜର୍ଭ ଗୋଲକିପର ୱିଲି କବଲ୍ଲେରୋଙ୍କୁ ପଡିଆକୁ ଓହ୍ଲାଇବା ପାଇଁ ଯୋଜନା କରୁଥିଲେ । ସେତେବେଳେ ପଡିଆରେ ଥିଲେ ଚେଲସାର ମୁଖ୍ୟ ଗୋଲକିପର ତଥା ବିଶ୍ୱର ସବୁଠାରୁ ମହଙ୍ଗା ଗୋଲକିପର କେପା ଅରିଜାବଲଗା ।

କିନ୍ତୁ ଅରିଜାବଲଗାଙ୍କୁ ରିପ୍ଲେସ କରି ୱିଲିଙ୍କୁ ପେନାଲଟି ସୁଟ ଆଉଟ ସମୟରେ ଓହ୍ଲାଇବାକୁ ଯୋଜନା କରିଥିଲେ କୋଚ । ଏଥିପାଇଁ ସେ ରେଫରୀଙ୍କୁ ସୂଚନା ମଧ୍ୟ ଦେଇଥିଲେ । ଏହା ଅନୁସାରେ ରେଫରୀ ବଦଳ ଖେଳାଳିର ସାଇନ ମଧ୍ୟ ଦେଖାଇଥିଲେ । କିନ୍ତୁ 24 ବର୍ଷିୟ କେପା ପଡିଆ ଛାଡିନଥିଲେ । ସାରି ବାରମ୍ୱାର କେପାଙ୍କୁ ନିର୍ଦ୍ଦେଶ ଦେଇଥିଲେ ମଧ୍ୟ ସେ ମନା କରିଥିଲେ । କେପା ନିଜ ଜିଦରେ ଅଟଳ ରହି ପଡିଆ ଛାଡିନଥିଲେ ।

ଫଳରେ ସେଠାରେ ଏକ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ଏ ସମସ୍ତ ଦୃଶ୍ୟ ବଡ ପରଦା ସହ ଟିଭି ସ୍କ୍ରିନରେ ମଧ୍ୟ ଦେଖାଯାଇଥିଲା । ଏପରି ସ୍ଥିତି ଦେଖି ବାଧ୍ୟ ହୋଇ ମ୍ୟାଚ ରେଫରୀ ଏଥିରେ ହସ୍ତକ୍ଷେପ କରିଥିଲେ ଏବଂ କେପାଙ୍କୁ ଖେଳ ଜାରି ରଖିବାକୁ କହିଥିଲେ । ପ୍ରକୃତରେ କେପା ଆହତ ହୋଇଥିଲେ ଏବଂ ସେଥିପାଇଁ ତାଙ୍କୁ ବଦଳ କରିବାକୁ ସାରି ଚାହୁଁଥିଲେ । ମାତ୍ର କେପା ଆହତ ନାହାନ୍ତି ବୋଲି ସାଇନ ଦେଇ ଖେଳ ଜାରି ରଖିବାର ନିଷ୍ପତ୍ତି ନେଇଥିଲେ । ଏହି ଘଟଣାରେ ଅସନ୍ତୋଷ ସାରି ପଡିଆ ବାହାରେ ନିଜର କ୍ରୋଧ ପ୍ରକାଶ କରୁଥିବା ଦେଖିବାକୁ ମିଳିଥିଲା ।

ତେବେ କେପାଙ୍କ ନିଷ୍ପତ୍ତି କିନ୍ତୁ ତାଙ୍କ ପାଇଁ ମହଙ୍ଗା ପଡିଥିଲା । ସେ 4ଟି ପେନାଲଟି ସୁଟ ଆଉଟ ଅଟକାଇପାରିନଥିଲେ । ଫଳରେ ଚେଲସା ମ୍ୟାଚରେ ହାରିଯାଇଥିଲା । ତେବେ ଏହି ଘଟଣା ପରେ ଏହାକୁ ଏକ ଭୁଲ ବୁଝାମଣା ବୋଲି ଉଭୟ କୋଚ ଓ ଖେଳାଳି କହିଥିଲେ । କେପା କହିଥିଲେ ଯେ ସେ ଆହତ ନଥିଲେ ଯାହା କୋଚ ବୁଝିପାରିନଥିଲେ ।