ହାଇଦ୍ରାବାଦ: ଜବରଦସ୍ତ ଫର୍ମରେ ନଜର ଆସିଛନ୍ତି ଭାରତୀୟ ମହିଳା କ୍ରିକେଟ ଦଳ । ବାଂଲାଦେଶରେ ଅନୁଷ୍ଠିତ ଏସିଆ କପରେ ହ୍ୟାଟ୍ରିକ ବିଜୟ ହାସଲ କରିଛନ୍ତି ୱମେନ ଇନ ବ୍ଲୁ । ଭାରତୀୟ ମହିଳା କ୍ରିକେଟ ଦଳ ଏସିଆ କପର ତୃତୀୟ ଲିଗ ମ୍ୟାଚରେ ଆଜି ( ମଙ୍ଗଳବାର ) ୟୁଏଇ ସହିତ ମୁହାଁମୁହିଁ ହୋଇଥିଲା । ଏଥିରେ ୟୁଏଇକୁ ୧୦୪ ରନରେ ପରାସ୍ତ କରିବା ସହିତ ଭାରତ ଦମଦାର ବିଜୟ ହାସଲ କରିଛି । ଜେମିମା ରେଡ୍ରିଗସ ପ୍ଲେୟର ଅଫ ଦି ମ୍ୟାଚ ବିବେଚିତ ହୋଇଛନ୍ତି । ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୩ ୱିକେଟ ହରାଇ ୧୭୮ ରନ କରିଥିଲା । ଏହାର ଜବାବରେ ୟୁଏଇ ୨୦ ଓଭରରେ ୪ ୱିକେଟ ହରାଇ ୭୪ ରନ କରିଥିଲା । ଆଜିର ମ୍ୟାଚ ବିଜୟ ପରେ ଭାରତ ୬ ପଏଣ୍ଟ ହାସଲ କରି ମହିଳା ଏସିଆ କପ ପଏଣ୍ଟ ଟେବୁଲରେ ଶୀର୍ଷ ସ୍ଥାନରେ ରହିଛି । ୪ ପଏଣ୍ଟ ହାସଲ କରି ପାକିସ୍ତାନ ମହିଳା କ୍ରିକେଟ ଦଳ ଦ୍ବିତୀୟ ସ୍ଥାନରେ ରହିଛି ।
-
.@JemiRodrigues scored a superb 7⃣5⃣* & bagged the Player of the Match award as #TeamIndia beat UAE. 👏 👏 #AsiaCup2022 | #INDvUAE
— BCCI Women (@BCCIWomen) October 4, 2022 " class="align-text-top noRightClick twitterSection" data="
Scorecard ▶️ https://t.co/Y03pcauSKo pic.twitter.com/h3TGNvduaO
">.@JemiRodrigues scored a superb 7⃣5⃣* & bagged the Player of the Match award as #TeamIndia beat UAE. 👏 👏 #AsiaCup2022 | #INDvUAE
— BCCI Women (@BCCIWomen) October 4, 2022
Scorecard ▶️ https://t.co/Y03pcauSKo pic.twitter.com/h3TGNvduaO.@JemiRodrigues scored a superb 7⃣5⃣* & bagged the Player of the Match award as #TeamIndia beat UAE. 👏 👏 #AsiaCup2022 | #INDvUAE
— BCCI Women (@BCCIWomen) October 4, 2022
Scorecard ▶️ https://t.co/Y03pcauSKo pic.twitter.com/h3TGNvduaO
ଭାରତ ଟସ ଜିତି ଅଧିନାୟିକା ସ୍ମୃତି ମାନ୍ଧନା ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ଭାରତର ପ୍ରଥମରୁ ବ୍ୟାଟିଂ ବିପର୍ଯ୍ୟୟ ଘଟିଥିଲା । ଓପନର ରିଚା ଘୋଷ ଖାତା ଖୋଲିବା ଆଗରୁ ଜିରୋରେ ଆଉଟ ହୋଇଥିଲେ । ପରେ ଏସ ମେଘନା ୩.୩ ଓଭରରେ ୧୦ ରନ କରି ଆଉଟ ହୋଇଯାଇଥିଲେ । ଏହା ପରେ ପାଳି ସମ୍ଭାଳି ଥିଲେ ଭାରତ ଦୁଇ ଷ୍ଟାର ବ୍ୟାଟର ଦୀପ୍ତି ଶର୍ମା ଓ ଜେମିମା ରେଡ୍ରିଗସ । ଉଭୟଙ୍କ ଧୂଆଁଧାର ଅର୍ଦ୍ଧଶତକ ବଳରେ ଭାରତ ୧୭୮ ରନ କରିବାରେ ସଫଳ ହୋଇଥିଲା । ଦୀପ୍ତି ଶର୍ମା ୪୯ ବଲରେ ୫ ଟି ଚୌକା ଏବଂ ୨ ଟି ଛକା ସହିତ ୬୪ ରନର ଇନିଂସ ଖେଳି ଆଉଟ ହୋଇଥିଲେ । ସେହିପରି ଜେମିମା ରେଡ୍ରିଗସ ଆକ୍ରମଣାତ୍ମକ ବ୍ୟାଟିଂ କରି ୪୫ ବଲରୁ ୧୧ଟି ଚୌକା ସହିତ ୭୫ ରନର ଇନିଂସ ଖେଳି ଅପରାଜିତ ରହିଥିଲେ ।
ସେପଟେ ୧୭୯ ରନର ଟାର୍ଗେଟ ନେଇ ମଇଦାନକୁ ଓହ୍ଲାଇ ଥିଲା ୟୁଏଇ । ହେଲେ ଭାରତୀୟ ବୋଲରଙ୍କ ବୋଲିଂ ୟୁଏଇ ବ୍ୟାଟର ଟାର୍ଗେଟ ହାସଲ କରିବାକୁ ବିଫଳ ହୋଇଥିଲେ । ଫଳରେ ୟୁଏଇ ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୭୪ ରନ କରିଥିଲା । ଅକ୍ଟୋବର ୭ ରେ ପାରମ୍ପାରିକ ପ୍ରତିଦ୍ବନ୍ଦୀ ପାକିସ୍ତାନକୁ ଭେଟିବ ଭାରତ ।
