Cricket World Cup 2023: ଦ୍ବିତୀୟ ୱାର୍ମଅପ୍‌ ମ୍ୟାଚ୍‌ ବି ଧୋଇଗଲା, ବିନା ଅଭ୍ୟାସରେ ବିଶ୍ବକପ୍‌ ମୈଦାନକୁ ଓହ୍ଲାଇବ ଭାରତ

ଭାରତ ଓ ଇଂଲଣ୍ଡ ମଧ୍ୟରେ ପ୍ରଥମ ୱାର୍ମଅପ୍‌ ଭଳି ନେଦରଲାଣ୍ଡ୍ସ ବିପକ୍ଷ ଦ୍ବିତୀୟ ୱାର୍ମଅପ୍‌ ମ୍ୟାଚ୍‌ ମଧ୍ୟ ବର୍ଷା ଧୋଇ ନେଇଛି । ଫଳରେ ବର୍ଷା ବ୍ୟାଘାତ କାରଣରୁ ବିନା ଅଭ୍ୟାସରେ ଏବେ ଭାରତୀୟ ଦଳ ସିଧାସଳଖ ବିଶ୍ବକପ୍‌ ୨୦୨୩ ମୈଦାନକୁ ଓହ୍ଲାଇବ । ଅଧିକ ପଢ଼ନ୍ତୁ

ଥିରୁଅନନ୍ତପୁରମ: ଭାରତ ଓ ନେଦରଲାଣ୍ଡ୍ସ ମଧ୍ୟରେ ଥିରୁଅନନ୍ତପୁରମରେ ଖେଳାଯିବାକୁ ଥିବା ବିଶ୍ଵକପ୍‌ ୨୦୨୩ ୱାର୍ମଅପ୍ ମ୍ୟାଚ୍‌କୁ ବର୍ଷା ଧୋଇ ନେଇଛି । ପ୍ରଥମ ୱାର୍ମଅପ୍‌ ପରି ଭାରତର ଦ୍ଵିତୀୟ ୱାର୍ମଅପ୍‌ ମ୍ୟାଚ୍‌ ମଧ୍ୟ ବର୍ଷା ବାଧାପ୍ରାପ୍ତ ହୋଇ ରଦ୍ଦ ହୋଇଯାଇଛି । ବିଶ୍ଵକପ୍‌ ୨୦୨୩ ଅଭିଯାନ ଆରମ୍ଭ ହେବା ପୂର୍ବରୁ ଏହି ଶେଷ ମ୍ୟାଚ୍ ଭାରତ ପାଇଁ ବେଶ ଗୁରୁତ୍ଵପୂର୍ଣ୍ଣ ଥିଲା । ତେବେ ବର୍ଷା ବ୍ୟାଘାତ କାରଣରୁ ବିନା ଅଭ୍ୟାସରେ ଏବେ ଭାରତୀୟ ଦଳ ସିଧାସଳଖ ବିଶ୍ବକପ୍‌ ମୈଦାନକୁ ଓହ୍ଲାଇବ । ଅକ୍ଟୋବର ୫ (ଗୁରୁବାର) ଆରମ୍ଭ ହେବାକୁଥିବା ବିଶ୍ବକପ୍‌ ୨୦୨୩ ମହାକୁମ୍ଭର ଉଦ୍‌ଘାଟନୀ ମ୍ୟାଚ୍‌ ପୂର୍ବ ସଂସ୍କରଣର ବିଜେତା ଇଂଲଣ୍ଡ ଓ ଉପବିଜେତା ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ । ଏହାପରେ ଅକ୍ଟୋବର ୮ (ରବିବାର) ଅଷ୍ଟ୍ରେଲିଆ ବିପକ୍ଷରେ ଅଭିଯାନ ଆରମ୍ଭ କରିବ ଭାରତ ।

• Powerhouse Parul grabs a #GloriousGold🥇in Women's 5000m 🥳
  
  Second time around, she proves that charm and determination pay off, securing her remarkable second medal at #AsianGames2022.
  
  Clocking 15:14.75, Parul's performance is absolutely 🔥!
  
  Heartiest congratulations champ!… pic.twitter.com/NRfxSBJXwH

  — SAI Media (@Media_SAI) October 3, 2023 " class="align-text-top noRightClick twitterSection" data="

  Powerhouse Parul grabs a #GloriousGold🥇in Women's 5000m 🥳
  
  Second time around, she proves that charm and determination pay off, securing her remarkable second medal at #AsianGames2022.
  
  Clocking 15:14.75, Parul's performance is absolutely 🔥!
  
  Heartiest congratulations champ!… pic.twitter.com/NRfxSBJXwH

  — SAI Media (@Media_SAI) October 3, 2023

  ">

  Powerhouse Parul grabs a #GloriousGold🥇in Women's 5000m 🥳
  
  Second time around, she proves that charm and determination pay off, securing her remarkable second medal at #AsianGames2022.
  
  Clocking 15:14.75, Parul's performance is absolutely 🔥!
  
  Heartiest congratulations champ!… pic.twitter.com/NRfxSBJXwH

  — SAI Media (@Media_SAI) October 3, 2023

ତେବେ ଆଜି ଭାରତ ଓ ନେଦରଲାଣ୍ଡ୍ସ ମଧ୍ୟରେ ଥିରୁଅନନ୍ତପୁରମରେ ରଦ୍ଦ ହୋଇଥିବା ବିଶ୍ଵକପ୍‌ ୨୦୨୩ ୱାର୍ମଅପ୍‌ ମ୍ୟାଚ୍‌ ପୂର୍ବରୁ ଗୌହାଟୀ ବରସାପରା ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ୱାର୍ମଅପ୍‌ ମ୍ୟାଚ୍‌ ବର୍ଷା ଯୋଗୁଁ ବାତିଲ୍ ହୋଇଥିଲା । ଉଭୟ ମ୍ୟାଚ୍‌ ରଦ୍ଦ ହେବା କାରଣରୁ ଏବେ ବିନା ଅଭ୍ୟାସ୍ ମ୍ୟାଚ୍‌ରେ ଭାରତୀୟ ଦଳ ନିଜର ବିଶ୍ଵକପ୍ ଅଭିଯାନ ଆରମ୍ଭ କରିବ । ରୋହିତ ଶର୍ମାଙ୍କ ନେତୃତ୍ଵାଧୀନ ଭାରତୀୟ ଦଳ ନିଜର ଦ୍ଵିତୀୟ ମ୍ୟାଚ୍‌ରେ ଆଫଗାନିସ୍ତାନକୁ ଭେଟିବ । ଏହି ମ୍ୟାଚ୍ ଅକ୍ଟୋବର ୧୧ରେ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ । ପୁଣି ଅକ୍ଟୋବର ୧୪ ତାରିଖରେ ଭାରତ ଓ ପାକିସ୍ତାନ ମଧ୍ୟରେ ବହୁ ପ୍ରତୀକ୍ଷିତ ମୁକାବିଲା ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ । ଏହାପରେ ଭାରତୀୟ ଦଳ ବାଂଲାଦେଶ, ଇଂଲଣ୍ଡ, ଦକ୍ଷିଣ ଆଫ୍ରିକା, ଶ୍ରୀଲଙ୍କା ଓ ନେଦରଲାଣ୍ଡ୍ସ ଦଳ ବିପକ୍ଷରେ ବିଶ୍ବକପ୍‌ ମୈଦାନକୁ ଓହ୍ଲାଇବ ।

ତେବେ ଏଥର ଭାରତ ଘରୋଇ ମାଟିରେ ବିଶ୍ବକପ୍‌ ଆୟୋଜନ କରୁଥିବାରୁ ୨୦୧୧ର ଇତିହାସକୁ ପୁଣିଥରେ ଦୋହରାଇବା ପାଇଁ ଭାରତୀୟ କ୍ରିକେଟ ଦଳ ପାଖରେ ଏହା ସୁବର୍ଣ୍ଣ ସୁଯୋଗ ବୋଲି କୁହାଯାଉଛି । ଘରୋଇ ମାଟି ତଥା ଘରୋଇ ପ୍ରଶଂସକଙ୍କ ସର୍ଥନ ମେନ୍‌ ଇନ୍‌ ବ୍ଲ୍ୟୁକୁ ବେଶ ସହାୟତା କରିବ । ଏଥିପାଇଁ ଏଥର ବିଶ୍ବକପ୍‌ ଟ୍ରଫି ହାତେଇବା ପାଇଁ ଅଧିକାଂଶ କ୍ରିକେଟ ପ୍ରଶଂସକ ତଥା ବିଶେଷଜ୍ଞଙ୍କ ପ୍ରଥମ ପସନ୍ଦ ରହିଛି ଭାରତ । ତେବେ ଏଭଳି ସକାରାତ୍ମକ ଦିଗ ଗୁଡ଼ିକ ମଧ୍ୟରେ ବିନା ଅଭ୍ୟାସ ମ୍ୟାଚ୍‌ରେ ବିଶ୍ବକପ୍‌ ଭଳି ବଡ଼ ଟୁର୍ଣ୍ଣାମେଣ୍ଟ ଖେଳିବା ଦଳର ପ୍ରଦର୍ଶନ ଉପରେ କେତେ ପ୍ରଭାବ ପକାଉଛି, ତାହା ଦେଖିବାକୁ ବାକି ରହିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ