ETV Bharat / sports

ଟି-୨୦ ବିଶ୍ବକପ: ଆଜି ଅଭ୍ୟାସ ମ୍ୟାଚ୍‌ରେ ବିରାଟବାହିନୀର ଶକ୍ତି ପରୀକ୍ଷା - india vs england

ଦୁବାଇର ICC ଏକାଡେମୀ ଗ୍ରାଉଣ୍ଡରେ ପ୍ରଥମ ଅଭ୍ୟାସ ମ୍ୟାଚ୍‌ରେ ଇଂଲଣ୍ଡକୁ ଭେଟିବ ବିରାଟ ବାହିନୀ । ଅଧିକ ପଢନ୍ତୁ...

Ind vs Eng Warm Up Match
ଟି-୨୦ ବିଶ୍ବକପ: ଆଜି ଅଭ୍ୟାସ ମ୍ୟାଚ୍‌ରେ ବିରାଟବାହିନୀର ଶକ୍ତି ପରୀକ୍ଷା
author img

By

Published : Oct 18, 2021, 4:40 PM IST

ହାଇଦ୍ରାବାଦ: ଟି-୨୦ ବିଶ୍ବକପ ପୂର୍ବରୁ ଆଜି (ଅକ୍ଟୋବର ୧୮) ପ୍ରଥମ ଅଭ୍ୟାସ ମ୍ୟାଚ୍‌ ଖେଳିବ ଟିମ ଇଣ୍ଡିଆ । ଦୁବାଇର ICC ଏକାଡେମୀ ଗ୍ରାଉଣ୍ଡରେ ପ୍ରଥମ ଅଭ୍ୟାସ ମ୍ୟାଚ୍‌ରେ ଇଂଲଣ୍ଡକୁ ଭେଟିବ ବିରାଟ ବାହିନୀ । ଉଭୟ ଭାରତ ଓ ଇଂଲଣ୍ଡ ସେମାନଙ୍କ ମୁଖ୍ୟ ମ୍ୟାଚ୍‌ ପୂର୍ବରୁ ଦୁଇଟି ଲେଖାଏଁ ଅଭ୍ୟାସ ମ୍ୟାଚ୍‌ ଖେଳିବା ନେଇ ସୂଚୀ ରହିଛି । ଇଂଲଣ୍ଡ ଓ ଅଷ୍ଟ୍ରେଲିଆ ବିପକ୍ଷରେ ଭାରତର ଅଭ୍ୟାସ ମ୍ୟାଚ ଖେଳିବାର ସୂଚ ରହିଥିବାବେଳେ, ଭାରତ ଓ ନ୍ୟୁଜିଲାଣ୍ଡ ବିପକ୍ଷରେ ଇଂଲଣ୍ଡର ଅଭ୍ୟାମ ମ୍ୟାଚ୍‌ ସୂଚୀ ରହିଛି ।

Ind vs Eng Warm Up Match
ଟି-୨୦ ବିଶ୍ବକପ

ଉଭୟ ଟିମ ସୁପର ୧୨ ପର୍ଯ୍ୟାୟରେ ଅଭିଯାନ ଆରମ୍ଭ କରିବେ । ଭାରତର ପ୍ରଥମ ମୁକାବିଲା ପାରମ୍ପରିକ ପ୍ରତିନ୍ଦ୍ବନ୍ଦ୍ବୀ ପାକିସ୍ତାନ ସହ ରହିଛି । ଅକ୍ଟୋବର ୨୪ରେ ଏହି ହାଇଭୋଲଟେଜ୍‌ ଲଢେଇ ଖେଳାଯିବ । ସେହିପରି ୱେଷ୍ଟଇଣ୍ଡିଜ ବିପକ୍ଷରେ ଅକ୍ଟୋବର ୨୩ରେ ପ୍ରଥମ ମ୍ୟାଚ୍‌ ଖେଳି ବିଶ୍ବକପ ଅଭିଯାନ ଆରମ୍ଭ କରିବ ଇଆନ ମୋର୍ଗାନଙ୍କ ଟିମ ।

Ind vs Eng Warm Up Match
ଭାରତ ବନାମ ଇଂଲଣ୍ଡ ଅଭ୍ୟାସ ମ୍ୟାଚ୍‌

ମହେନ୍ଦ୍ର ସିଂହ ଧୋନି ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଚତୁର୍ଥ IPL ଟାଇଟେଲ ହାସଲ କରିବା ପରେ ଟିମ ମେଣ୍ଟର ଭାବେ ଭାରତୀୟ କ୍ୟାମ୍ପରେ ଯୋଗ ଦେଇଛନ୍ତି ।

ନଜର ପକାନ୍ତୁ ସୋମବାର ଭାରତୀୟ ଟିମ ଖେଳିବାକୁ ଥିବା ଅଭ୍ୟାସ ମ୍ୟାଚ୍‌ ଉପରେ...

  • କେଉଁଦିନ ଭାରତ ଓ ଇଂଲଣ୍ଡ ମଧ୍ୟରେ ଖେଳାଯିବ ଅଭ୍ୟାସ ମ୍ୟାଚ୍‌ ?
  • ଭାରତ ଓ ଇଂଲଣ୍ଡ ମଧ୍ୟରେ ସୋମବାର( ଅକ୍ଟୋବର ୧୮) ରେ ଅଭ୍ୟାସ ମ୍ୟାଚ୍‌ ଖେଳାଯିବ ।
  • ଭାରତ ବନାମ ଇଂଲଣ୍ଡ ଅଭ୍ୟାସ ମ୍ୟାଚ୍‌ ଆରମ୍ଭର ସମୟ ?
  • ଭାରତ ବନାମ ଇଂଲଣ୍ଡ ଅଭ୍ୟାସ ମ୍ୟାଚ୍‌ ଭାରତୀୟ ସମୟ ସନ୍ଧ୍ୟା ୭.୩୦ରୁ ଆରମ୍ଭ ହେବ । ସନ୍ଧ୍ୟା ୭.୦୦ଟା ଟସ୍‌ ପଡିବାର ସମୟ ରହିଛି ।
  • ଭାରତ ବନାମ ଇଂଲଣ୍ଡ ଟି-୨୦ ବିଶ୍ବକପ ଅଭ୍ୟାସ ମ୍ୟାଚ୍‌ କେଉଁଠାରେ ଖେଳାଯିବ ?
  • ICC ଟି-୨୦ ବିଶ୍ବକପ ୨୦୨୧ ଭାରତ ବନାମ ଇଂଲଣ୍ଡ ଦୁବାଇର ICC ଏକାଡେମୀ ଗ୍ରାଉଣ୍ଡରେ ଖେଳାଯିବ ।
  • ଭାରତ ବନାମ ଇଂଲଣ୍ଡ ଟି-୨୦ ବିଶ୍ବକପ ଅଭ୍ୟାସ ମ୍ୟାଚ୍‌ର ପ୍ରସାରଣ କିପରି ଦେଖିହେବ ?
  • ଭାରତ ବନାମ ଇଂଲଣ୍ଡ ଟି-୨୦ ବିଶ୍ବକପ ଅଭ୍ୟାସ ମ୍ୟାଚ୍‌ ଷ୍ଟାର ସ୍ପୋର୍ଟ୍ସ୧/୧HD, ଷ୍ଟାର ସ୍ପୋର୍ଟ୍ସ ୧ ହିନ୍ଦି/୧ HD ହିନ୍ଦି, ଷ୍ଟାର ସ୍ପୋର୍ଟ୍ସ ୧ ତାମିଲ, ତେଲୁଗୁ ଓ ୧ କାନାଡାରେ ଲାଇଭ ଟେଲିକାଷ୍ଟ ହେବ ।
  • ଭାରତର ପରବର୍ତ୍ତୀ ଅଭ୍ୟାସ ମ୍ୟାଚ୍‌ କେବେ ରହିଛି ?
  • ବୁଧବାର ଅକ୍ଟୋବର ୨୦ରେ ଅଷ୍ଟ୍ରେଲିଆ ବିପକ୍ଷରେ ଦ୍ବିତୀୟ ଅଭ୍ୟାସ ମ୍ୟାଚ୍‌ ଖେଳିବ ଭାରତ ।

ବ୍ୟୁରୋ ରିପୋର୍ଟ, ଇଟିଭି ଭାରତ

ABOUT THE AUTHOR

author-img

...view details

ETV Bharat Logo

Copyright © 2025 Ushodaya Enterprises Pvt. Ltd., All Rights Reserved.