ନୂଆଦିଲ୍ଲୀ: ୟୁଏଇ ଓ ଓମାନରେ ଖେଳାଯିବାକୁ ଥିବା ପୁରଷ ଟି-୨୦ ବିଶ୍ବକପରେ ପ୍ରଥମ ଥର ନିର୍ଣ୍ଣୟ ସମୀକ୍ଷା ପ୍ରଣାଳୀ-ଡିସିସନ ରିଭ୍ୟୁ ସିଷ୍ଟମ(DRS)ର ଉପଯୋଗ କରାଯିବ । ଟୁର୍ଣ୍ଣାମେଣ୍ଟରେ ଏହି ନିୟମର ଉପଯୋଗ ନେଇ ମଞ୍ଜୁରୀ ପ୍ରଦାନ କରିଛି ଅନ୍ତର୍ଜାତୀୟ କ୍ରିକେଟ ପରିଷଦ(ICC) ।
ଆଇସିସି ଆଗାମୀ ଟୁର୍ଣ୍ଣାମେଣ୍ଟ ପାଇଁ ଜାରି କରିଥିବା ଖେଳ ନିୟମରେ ଡିଆରଏସ୍କୁ ସାମିଲ କରିଛି । ପୁରୁଷ ଟି-୨୦ ବିଶ୍ବକପ ୧୭ ଅକ୍ଟୋବରରୁ ୧୪ ନଭେମ୍ବର ପର୍ଯ୍ୟନ୍ତ ଖେଳାଯିବ । ଏକ ପ୍ରମୁଖ ସ୍ପୋର୍ଟ୍ସ ୱେବସାଇଟ୍ର ରିପୋର୍ଟ ଅନୁଯାୟୀ, ପ୍ରତ୍ୟେକ ଟିମକୁ ପ୍ରତ୍ୟେକ ଇଂନିସରେ DRS ବ୍ୟବହାର କରିବାକୁ ଦୁଇଟି ମୌକା ମିଳିବ ।
ଏହାପୂର୍ବରୁ ଟି-୨୦ ବିଶ୍ବକପରେ କେବେ DRS ର ଉପଯୋଗ ହୋଇନଥିଲା । ଶେଷଥର ବର୍ଷ ୨୦୧୬ରେ ଟି-୨୦ ବିଶ୍ବକପ ଖେଳାଯାଇଥିଲା । ସେତେବେଳ ଏହି ସଂସ୍କରଣରେ 'DRS'ର ଉପଯୋଗ କରାଯାଇନଥିଲା ।
କୌଣସି ICC ଟୁର୍ଣ୍ଣାମେଣ୍ଟରେ ପ୍ରଥମ ଥର DRS ର ବ୍ୟବହାର ୱେଷ୍ଟଇଣ୍ଡିଜରେ ଖେଳାଯାଇଥିବା ମହିଳା ଟି-୨୦ ବିଶ୍ବ ୨୦୧୮ରେ କରାଯାଇଥିଲା । ଏହାପରେ ଅଷ୍ଟ୍ରେଲିଆରେ ୨୦୨୦ରେ ଖେଳାଯାଇଥିବା ମହିଳା ଟି-୨୦ ବିଶ୍ବକପରେ ମଧ୍ୟ ଏହି ନିୟମ ଲାଗୁ ହୋଇଥିଲା ।
ଫିଲ୍ଡ ଅମ୍ପାୟାର ଦ୍ବାରା ଖେଳାଳିଙ୍କୁ ଆଉଟ୍ ଦେବାରେ ହେଉଥିବା ଭୁଲ୍କୁ ସୁଧାରିବାକୁ DRS ନିୟମ ଉପଲବ୍ଧ କରାଯାଇଛି । ଯଦି ଫିଲ୍ଡ ଅମ୍ପାୟାର ଟିମର ଖେଳାଳିଙ୍କ ଦ୍ବାରା ଅପିଲକୁ ଖାରଜ କରନ୍ତି ଓ କ୍ୟାପଟେନ ଆଉଟ ଦିଆଯିବା ଅନୁଭବ କରନ୍ତି, ଏପରିସ୍ଥଳେ କ୍ୟାପଟେନ DRSର ଆବେଦନ କରିପାରିବେ । ଯାହାପରେ ନିଷ୍ପତ୍ତି ଟିଭି ଅମ୍ପାୟାରଙ୍କ ପାଖକୁ ଚାଲିଯାଇଥାଏ ।
ରିପ୍ଲେ ଦେଖିବାପରେ ଟିଭି ଅମ୍ପାୟାର ଆଉଟ କିମ୍ବା ନାହିଁ ନିଷ୍ପତ୍ତି ନିଅନ୍ତି । ଏହିପରି ଯଦି ବ୍ୟାଟ୍ସମ୍ୟାନଙ୍କୁ ଅନୁଭବ ହୁଏ କି ଅମ୍ପାୟର ତାଙ୍କୁ ଭୁଲ୍ଭାବେ ଆଉଟ୍ ଦେଇଛନ୍ତି, ସେ ମଧ୍ୟ ନିଷ୍ପତ୍ତି ବିରୋଧରେ DRS ଆବେଦନ କରିପାରିବେ ।
ବ୍ୟୁରା ରିପୋର୍ଟ, ଇଟିଭି ଭାରତ
