ଶାରଜାହ: ଆଇପିଏଲର ୫୧ତମ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ୯୦ ରନ୍ ସଂଗ୍ରହ କରିଛି । ଫଳରେ ମୁମ୍ବାଇ ସାମ୍ନାରେ ୯୧ ରନ୍ର ବିଜୟ ଲକ୍ଷ୍ୟ ରହିଛି ।
ନାଥନ କୁଲଟର-ନାଇଲ ମାରାତ୍ମକ ବୋଲିଂ ସହ ୪ ଓଭରରେ ୧୪ ରନ୍ ବ୍ୟୟରେ ୪ଟି ୱିକେଟ ହାସଲ କରିଛନ୍ତି । ଜେମ୍ସ ନିଶାମ ମଧ୍ୟ ଶାଣିତ ବୋଲିଂ ସହ ୪ ଓଭରରେ ୧୨ ରନ୍ ବ୍ୟୟରେ ୩ଟି ଶିକାର କରିଛନ୍ତି ।
ଷ୍ଟାର ବୋଲର ଜଶପ୍ରୀତ ବୁମରାହ ୪ ଓଭରରେ ୧୪ ରନ୍ ବ୍ୟୟରେ ୨ଟି ୱିକେଟ ହାତଇଛନ୍ତି । ଫଳରେ ୯ ୱିକେଟ ହରାଇ ରାଜସ୍ଥାନ ମାତ୍ର ୯୦ ରନ୍ କରିବାକୁ ସମର୍ଥ ହୋଇଛି । ଇଭିନ ଲିୱିସ ସର୍ବାଧିକ ୨୪ ଓ ଡେଭିଡ ମିଲର ୧୫ ରନ୍ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
