ନୂଆଦିଲ୍ଲୀ: ଦିଲ୍ଲୀ କ୍ୟାପିଟାଲ୍ସ ଓପନର ପୃଥୀ ଶ' ଙ୍କୁ ଏକ ନୂଆ ସୁଟକେସ୍ ଆବଶ୍ୟକ । ଚଳିତ ଆଇପିଏଲରେ ପୃଥ୍ବୀ ହାସଲ କରିବାକୁ ଯାଉଥିବା ସଫଳତାର ପ୍ରତୀକ ସମସ୍ତ ଆୱାର୍ଡକୁ ସେ ଏହି ସୁଟକେସ୍ରେ ଭରିବେ । ଅଭିନେତ୍ରୀ ପ୍ରାଚୀ ସିଂହ ଯୁବ ଭାରତୀୟ କ୍ରିକେଟର ପୃଥ୍ବୀଙ୍କ ଉଦ୍ଦେଶ୍ୟରେ ଏହା କହିଛନ୍ତି ।
କୋଲକାତା ନାଇଟ ରାଇଡର୍ସ ବିପକ୍ଷ ମ୍ୟାଚ୍ରେ ଶ, ଗୁରୁବାର 41 ବଲ୍ରୁ 82 ରନର ଅବିଶ୍ବସନୀୟ ଇଂନିସ ଖେଳିବା ସହ ଦିଲ୍ଲୀକୁ ବିଜୟୀ କରାଇଥିଲେ । ଏଥିସହ ମ୍ୟାଚର ଶ୍ରେଷ୍ଠ ଖେଳାଳି ମଧ୍ୟ ବିବେଚିତ ହୋଇଥିଲେ । ପୃଥ୍ବୀ ପ୍ଲେଆର ଅଫ୍ ମ୍ୟାଚ ପୁରସ୍କାର ଗ୍ରହଣ କରିବା ସହ ମ୍ୟାଚ ପରବର୍ତ୍ତୀ ପୁରସ୍କାର ବିରତଣ ଉତ୍ସବରେ ପ୍ରସାରଣକାରୀ ସଂସ୍ଥା ସହ ନିଜର ପ୍ରତିକ୍ରିୟା ରଖିଥିଲେ । ଏହାର କିଛି ସମୟ ପରେ ଶ' ଙ୍କୁ ଡେଟିଂ କରୁଥିବା ଗୁଜବ ଗର୍ଲଫ୍ରେଣ୍ଡ ପ୍ରାଚୀ ଫଟୋ ସେୟାର କରିବା ସହ ଖୁିସ ଜାହିର କରିଥିଲେ ।
ପ୍ରଥମ ଫଟୋର କ୍ୟାପସନ୍ରେ ପ୍ରାଚୀ ଲେଖିଥିଲେ," ମୁଁ ତୁମ ପାଇଁ ଗର୍ବିତ" ପରେ ଦ୍ବିତୀୟ ଫଟୋରେ "ଏକ ନୂଆ ସୁଟକେସ ଆବଶ୍ୟକ ସବୁ ଭରିବା ପାଇଁ" ବୋଲି ଲେଖିଥିଲେ ।
ଏହି ମାରାଥନ ଇଂନିସ ବଳରେ ପୃଥ୍ବୀ, 270 ରନ୍ ସହ ଅରେଞ୍ଜ କ୍ୟାପ୍ ତାଲିକାର 3ୟ ସ୍ଥାନରେ ପହଞ୍ଚି ଯାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
