ଡର୍ବନ: ଭାରତ ବିପକ୍ଷ ଦ୍ବିତୀୟ ଟି୨୦ ମ୍ୟାଚ୍ରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ଦକ୍ଷିଣ ଆଫ୍ରିକା ଅଧିନାୟକ ଆଡେନ୍ ମାରକ୍ରମ । ପ୍ରଥମ ମ୍ୟାଚ୍ ବର୍ଷା ପାଇଁ ବାତିଲ ହୋଇଥିବା ବେଳେ ଆଜି ଦ୍ବିତୀୟ ମ୍ୟାଚ୍ ସେଣ୍ଟ ଜର୍ଜ ପାର୍କ୍ରେ ଖେଳାଯିବ । ଫିଲ୍ଡରେ ପରସ୍ପରକୁ କଡା ଟକ୍କର ଦେବାକୁ ଦୁଇ ଦଳର ଖେଳାଳି ପ୍ରସ୍ତୁତ । ଘରୋଇ ଗ୍ରାଉଣ୍ଡରେ ମ୍ୟାଚ ଖେଳିବାକୁ ଦକ୍ଷିଣ ଆଫ୍ରିକା ଉତ୍ସାହୀ ଥିବାବେଳେ ଭାରତୀୟ ଦଳର ଯୁବ ଖେଳାଳି ମଧ୍ୟ ଦମଦାର ପ୍ରଦର୍ଶନ କରିବା ଆଶାରେ ରହିଛନ୍ତି । ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ପଡିଆକୁ ଓହ୍ଲାଇବ ମେନ ଇନ୍ ବ୍ଲ୍ୟୁ । ଜିକେବେରହା ଆକାଶ ଏବେ ମେଘାଚ୍ଛନ୍ନ ଥିଲେ ମଧ୍ୟ ଟସ୍ ପଡ଼ିଛି । ଦକ୍ଷିଣ ଆଫ୍ରିକା ଟସ୍ ଜିତିଥିବା ବେଳେ ପ୍ରଥମେ ବ୍ୟାଟିଂ କରିବ ଭାରତ ।
-
🚨 Toss Update 🚨
— BCCI (@BCCI) December 12, 2023 " class="align-text-top noRightClick twitterSection" data="
South Africa have elected to bowl against #TeamIndia in the second #SAvIND T20I.
Follow the Match 👉 https://t.co/4DtSrebAgI pic.twitter.com/4UFl7rCNLF
">🚨 Toss Update 🚨
— BCCI (@BCCI) December 12, 2023
South Africa have elected to bowl against #TeamIndia in the second #SAvIND T20I.
Follow the Match 👉 https://t.co/4DtSrebAgI pic.twitter.com/4UFl7rCNLF🚨 Toss Update 🚨
— BCCI (@BCCI) December 12, 2023
South Africa have elected to bowl against #TeamIndia in the second #SAvIND T20I.
Follow the Match 👉 https://t.co/4DtSrebAgI pic.twitter.com/4UFl7rCNLF
୩ ମ୍ୟାଚ୍ ବିଶିଷ୍ଟ ଟି୨୦ ଶୃଙ୍ଖଳାର ପ୍ରଥମ ମୁକାବିଲା ଡର୍ବାନର କିଙ୍ଗସ୍ମେଡ୍ ଷ୍ଟାଡିୟମରେ ଗତ ୧୦ ତାରିଖରେ ଖେଳାଯିବାକୁ ଥିଲା । କିନ୍ତୁ ସେଠାର କ୍ରମାଗତ ବର୍ଷା ଲାଗି ରହିବାରୁ ଟସ୍ ମଧ୍ୟ ପଡ଼ିବା ସମ୍ଭବ ହୋଇପାରିନଥିଲା । ଶେଷରେ ମ୍ୟାଚ୍କୁ ବାତିଲ କରିଦିଆଯାଇଥିଲା । ଫଳରେ ଜବରଦସ୍ତ ପ୍ରଦର୍ଶନ କରିବାକୁ ଆଶା ରଖିଥିବା ଭାରତୀୟ ଖେଳାଳି ନିରାଶ ହୋଇଥିଲେ । ଆଜିର ମ୍ୟାଚ୍ରେ ଭାରତୀୟ ୟଙ୍ଗଷ୍ଟାର୍ଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ । ଉଭୟ ବ୍ୟାଟିଂ ଓ ବୋଲିଂରେ ଯୁବ ଖେଳାଳିଙ୍କ ଉପରେ ଦଳ ନିର୍ଭର କରିଛି । ସମସ୍ତେ ଭଲ ପ୍ରଦର୍ଶନ କରିବେ ବୋଲି ଆଶା କରାଯାଉଛି । କାରଣ ଏହି ଯୁବ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷ ଟି୨୦ ଶୃଙ୍ଖଳାରେ ଦମଦାର ବିଜୟ ହାସଲ କରି ଦୃଢ଼ ମନୋବଳ ସହ ମୈଦାନକୁ ଓହ୍ଲାଇଛନ୍ତି । ସେପଟେ ଦିନିକିଆ ବିଶ୍ବକପ୍ ୨୦୨୩ ସେମିଫାଇନାଲ୍ରେ ଅଷ୍ଟ୍ରେଲିଆ ଠାରୁ ପରାଜିତ ହୋଇ ବିଦାୟ ନେବା ପରେ ଦକ୍ଷିଣ ଆଫ୍ରିକା ଆଜି ପ୍ରଥମ ମ୍ୟାଚ୍ ଖେଳୁଛି । ସେହି ପରାଜୟକୁ ଭୁଲି ଦଳ ଭଲ ପ୍ରଦର୍ଶନ କରିବା ସହ ଟି୨୦ ବିଶ୍ବକପ୍ ପ୍ରସ୍ତୁତି ଆରମ୍ଭ କରିବ ବୋଲି ଆଶା ରଖିଛି ।
ଏହା ମଧ୍ୟ ପଢ଼ନ୍ତୁ...ମେଘାଚ୍ଛନ୍ନ ଜିକେବେରହା ଆକାଶ, ଦ୍ବିତୀୟ ଟି୨୦ ମ୍ୟାଚ୍ ବି ଧୋଇଯିବ !
ଭାରତ ଚୂଡ଼ାନ୍ତ ଏକାଦଶ: ଯଶସ୍ବୀ ଜୈସ୍ବାଲ, ଶୁଭମନ ଗିଲ୍, ତିଲକ ବର୍ମା, ସୂର୍ଯ୍ୟକୁମାର ଯାଦବ (ଅଧିନାୟକ), ରିଙ୍କୁ ସିଂହ, ଜିତେଶ ଶର୍ମା (ୱିକେଟ୍ କିପର), ରବୀନ୍ଦ୍ର ଜାଡେଜା, କୁଲଦୀପ ଯାଦବ, ମହମ୍ମଦ ସିରାଜ, ଅର୍ଶଦୀପ ସିଂହ, ମୁକେଶ କୁମାର
ଦକ୍ଷିଣ ଆଫ୍ରିକା ଚୂଡ଼ାନ୍ତ ଏକାଦଶ: ମାଥ୍ୟୁ ବ୍ରିଜ୍କ୍, ରିଜା ହେଣ୍ଡ୍ରିକ୍ସ, ଆଡେନ୍ ମାରକ୍ରମ (ଅଧିନାୟକ), ହେନରିଚ୍ କ୍ଲାସେନ୍ (ୱିକେଟ୍ କିପର), ଡେଭିଡ୍ ମିଲର, ଟ୍ରିଷ୍ଟନ ଷ୍ଟବ୍ସ, ମାର୍କୋ ଜାନ୍ସେନ୍, ଏଣ୍ଡାଇଲ୍ ଫେଲୁକ୍ବାଓ, ଗେରାଲ୍ଡ କଏଜି, ଲିଜାଡ୍ ୱିଲିୟମ୍ସ, ତବ୍ରାଇଜ୍ ଶାମ୍ସି
ବ୍ୟୁରୋ ରିପୋର୍ଟ, ଇଟିଭି ଭାରତ
