ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ ସ୍କ୍ବାଡ୍ରୁ ବାଦ୍ ପଡ଼ିଲେ ଭାରତୀୟ ଓପନର ତଥା ଉପ ଅଧିନାୟକ ରୋହିତ ଶର୍ମା । ଏହାକୁ ନେଇ BCCI ସଚିବ ଜୟ ଶାହା ସୂଚନା ଦେଇଛନ୍ତି । ଅଭ୍ୟାସ ବେଳେ ରୋହିତ ଶର୍ମା ହାମଷ୍ଟ୍ରିଙ୍ଗ୍ ଶିକାର ହୋଇଥିଲେ । ଏଥିପାଇଁ ସେ କିଛି ସମୟ ବିଶ୍ରାମ ନେବା ଆବଶ୍ୟକ ।
ଏହା ବି ପଢ଼ନ୍ତୁ ଆଜି ମୁମ୍ବାଇ ପହଞ୍ଚିପାରେ ଟିମ ଇଣ୍ଡିଆ, ଡିସେମ୍ବର ୧୬ରୁ ଦକ୍ଷିଣ ଆଫ୍ରିକା ଯାତ୍ରା
ଫଳରେ ଦକ୍ଷିଣ ଆଫ୍ରିକା ବିରୁଦ୍ଧରେ ହେବାକୁ ଥିବା ୩ ଟିକିଆ ଟେଷ୍ଟ ସ୍କ୍ବାଡ୍ରୁ ତାଙ୍କୁ ବାଦ୍ ଦିଆଯାଇଛି । ତାଙ୍କ ସ୍ଥାନରେ ଗୁଜୁରାଟର ବ୍ୟାଟର ପ୍ରିୟଙ୍କ ପାଞ୍ଚଲଙ୍କୁ ଭାରତୀୟ ଦଳରେ ସାମିଲ କରାଯାଇଛି । ନିକଟରେ ହିଁ ରୋହିତ ଶର୍ମାଙ୍କୁ ଦିନିକିଆ ଟି-୨୦ ଦଳର ଅଧିନାୟକ ଦାୟିତ୍ବ ଦିଆଯାଇଥିବା ବେଳେ ଟେଷ୍ଟ ଦଳର ଉପ ଅଧିନାୟକ ଦାୟିତ୍ବ ଦିଆଯାଇଛି ।
ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତୀୟ ଦଳ ଅଭ୍ୟାସ କରୁଥିବା ବେଳେ ଆହତ ହୋଇଛନ୍ତି ରୋହିତ ଶର୍ମା । ଟେଷ୍ଟ ଓ ଦିନିକିଆ ସିରିଜ୍ ପାଇଁ ଖୁବଶୀଘ୍ର ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତ କରିବ । ଡିସେମ୍ବର ୨୬ ତାରିଖରୁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜ୍ ଆରମ୍ଭ ହେବ । ଟିମ୍ ଇଣ୍ଡିଆ ଡିସେମ୍ବର ୧୬ରେ ଏକ ଚାଟାର୍ଡ ବିମାନ ଯୋଗେ ଦକ୍ଷିଣ ଆଫ୍ରିକା ଅଭିମୁଖେ ଉଡାଣ ଭରିବ ।
ବିରାଟ କୋହଲିଙ୍କୁ ହଟାଇ ରୋହିତ ଶର୍ମାଙ୍କୁ ଭାରତୀୟ ସୀମିତ ଓଭର କ୍ରିକେଟ ଟିମ୍ର ଅଧିନାୟକ କରିଛି BCCI । ଫଳରେ ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ ସିରିଜ ରୋହିତ ଶର୍ମା ପ୍ରଥମେ ବିରାଟଙ୍କ ଅଧିନାୟକତ୍ବରେ ଖେଳିବାର ଥିଲା ଓ ପରେ ବିରାଟ ODI ସିରିଜରେ ରୋହିତଙ୍କ ଅଧୀନରେ ଖେଳିବାର ଥିଲା । ତେବେ ରୋହିତ ଟେଷ୍ଟ ସିରିଜ୍ରୁ ବାଦ ପଡ଼ିବାରେ ଦିନିକିଆରେ ସିରିଜ୍ ଖେଳିବେ କି ନାହିଁ ତାହାକୁ ନେଇ ସନ୍ଦେହ ଦେଖା ଦେଖାଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
